សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែត៖ វេលាម៉ោង៧និង៣០នាទីព្រឹក ថ្ងៃទី៣ ខែកញ្ញា ឆ្នាំ២០១៨ មានហេតុការណ៍ភ្ញាក់ផ្អើល បន្ទាប់ពីប្រទះឃើញសាកសពបុរសម្នាក់ធ្វើអត្តឃាត(ចងកសម្លាប់)នៅលើផ្ទះសំណាក់មួយកន្លែង ហើយនាំគ្នារាយការណ៍ទៅកាន់សមត្ថកិច្ចឲ្យចុះមកត្រួតពិនិត្យ ។
តាមពិតទៅ ព័ត៌មានបឋមនៅកន្លែងកើតហេតុបានឲ្យភ្នាក់ងារយកព័ត៌មាននគរវត្តដឹងថា ជនរងគ្រោះគឺជាបុរសជនជាតិថៃ បានចងកសម្លាប់ខ្លួននៅក្នុងផ្ទះសំណាក់មួយកន្លែង ស្ថិតនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ជនរងគ្រោះ គេនៅពុំទាន់ស្គាល់អត្តសញ្ញាណនៅឡើយទេ ហើយមូលហេតុនាំឲ្យដាច់ចិត្តសម្លាប់ខ្លួនបែបនេះ ក៏សមត្ថកិច្ចជំនាញផ្នែកកោសល្យវិច័យ ក៏មិនទាន់ប្រាប់ដល់ភ្នាក់ងារសារព័ត៌មានផងដែរ ៕
