សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ មុខសញ្ញាលួចម៉ូតូម្នាក់ក្នុង ចំណាម២នាក់ ត្រូវបានប្រជាពលរដ្ឋចាប់ខ្លួនបានភ្លាមៗ រួចនាំគ្នាវាយម្នាក់ដៃម្នាក់មួយជើង បណ្ដោយឲ្យបែកមុខ ទើបប្រគល់ឲ្យសមត្ថកិច្ចប៉ុស្តិ៍ទួលស្វាយព្រៃ១ ក្រោយពីជនសង្ស័យលួចម៉ូតូមិនបានសម្រេច ។
ហេតុការណ៍នេះកើតឡើងកាលពីវេលាម៉ោង១២និង ៤០ នាទី ថ្ងៃទី១៧ ខែកញ្ញា ឆ្នាំ២០១៨ ស្ថិតនៅតាមបណ្ដោយ ផ្លូវលេខ៣៣៨ សង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ។
ជនរងគ្រោះឈ្មោះ វួន ម៉េងលី ភេទ ប្រុស អាយុ២៧ឆ្នាំ មុខរបរបើករថយន្តឲ្យក្រុមហ៊ុនជីបម៉ុង មានទីលំនៅផ្ទះជួលគ្មានលេខ ផ្លូវវេងស្រេង ក្នុងសង្កាត់ស្ទឹងមានជ័យទី៣ ខណ្ឌមានជ័យ។ ជនសង្ស័យមានឈ្មោះ ហុង ឧត្តម ភេទប្រុស អាយុ១៦ឆ្នាំ មុខរបរស្នាក់នៅមិនពិតប្រាកដ ។
ចំណែកជនសង្ស័យម្នាក់ជិះម៉ូតូគេចខ្លួនបាត់សម្រោលផងដែរ ។
បើតាមប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុជនរងគ្រោះបានទុកម៉ូតូហុងដា c125 ពណ៍ខ្មៅ ពាក់ស្លាកលេខ ពោធិ៍សាត់ 1H.9706 ស៊េរីឆ្នាំ២០១៨ នៅមុខផ្ទះជួល មួយសន្ទុះក្រោយមកស្រាប់តែជនសង្ស័យបានដើរមកក្បែរហើយបានធ្វើសកម្មភាពលួចកាច់កម៉ូតូបម្រុងរត់គេចខ្លួន ពេលនោះជន រងគ្រោះស្រែកចោរៗ ក៏ត្រូវបានប្រជាពលរដ្នចូលរួមជួយដេញចាប់បាននាំគ្នាវាយជនសង្ស័យបែកមុខ និងមុខឲ្យមានរបួសជាទម្ងន់ ទើបប្រគល់ឲ្យសមត្ថកិច្ចចាត់ការផងដែរ ចំណែកជនសង្ស័យម្នាក់ជិះម៉ូតូគេចខ្លួនបាត់ស្រមោលផងដែរ ។
បច្ចុប្បន្នជនសង្ស័យទាំងត្រូវបានកម្លាំងសមត្ថកិច្ចប៉ុស្តិ៍ទួលស្វាយព្រៃ១ បញ្ជូនខ្លួនមកអធិការដ្នាននគរបាលខណ្ឌចម្ការមន ដើម្បីចាត់ការតាមច្បាប់៕ សរស្មី
