សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ ក្រោយពីរត់គេចខ្លួនបាន១៣ថ្ងៃ ត្រូវកម្លាំងនគរបាលខណ្ឌដូនពេញ និងខណ្ឌចំការមន សហការគ្នាឃាត់ខ្លួន ពាក់ព័ន្ធករណីប្រើប្រាស់កាំបិតភ្ជង់បុគ្គលិក ហាង ណេត វី អេ ធូ យកលុយ៣០០០ដុល្លារ ស្ថិតនៅភូមិ៤ សង្កាត់បឹងកេងកងទី២ ខណ្ឌចំការមន រាជធានីភ្នំពេញ។
បើតាមលោក ហ៊ាង ថារ៉េត អធិការរងទទួលផែនព្រហ្មទណ្ឌខណ្ឌចំការមន បានឲ្យដឹងថា ជនសង្ស័យខាងលើដែលត្រូវកម្លាំងសមត្ថកិច្ច ឃាត់ខ្លួន ថ្ងៃទី៩ ខែតុលា ឆ្នាំ២០១៨ នៅចំណុចណេត វី អេ ធូ ស្ថិតនៅភូមិ៤ សង្កាត់បឹងកេងកងទី២ ខណ្ឌចំការមន គឺបានធ្វើសកម្មភាពប្លន់កាលពីថ្ងៃទី២៦ ខែកញ្ញា ឆ្នាំ២០១៨ នៅចំណុចណេត វី អេ ធូ ស្ថិតនៅភូមិ៤ សង្កាត់បឹងកេងកងទី២ ខណ្ឌចំការមនកន្លងមក។
ចំណែកជនរងគ្រោះមានឈ្មោះ រ៉ុន គឹមលាង ភេទស្រី អាយុ២៩ឆ្នាំ មុខរបរ បុគ្គលិកអ៊ីន ធើណេត វី អេ ធូ ស្នាក់នៅផ្ទះជួលគ្មានលេខ ផ្លូវ៦៧បេតេ ស្ថិតនៅភូមិសន្សំកុសល សង្កាត់បឹងទំពុន១ ខណ្ឌមានជ័យ រាជធានីភ្នំពេញ។
ជនសង្ស័យមានឈ្មោះ តាំង ង៉ិចហាវ ភេទប្រុស អាយុ២៩ឆ្នាំ ស្នាក់នៅផ្ទះលេខ២៤ ផ្លូវ ២៣២ សង្កាត់បឹងព្រលិត ខណ្ឌ៧មករា ។
លោកបានបន្តទៀតថា ជនសង្ស័យប្រើកូនកាំបិតភ្ជុងប្លន់យកលុយកន្លែងណេត រួចក៏ធ្វើការស្រាវជ្រាវយោងតាមកាំម៉ារ៉ា សុវត្ថិណេត មានរូបជនសង្ស័យរហូតដល់យប់ម៉ោង១១៖០០នាទី ជិតដល់កណ្ដាលអធ្រាត្រឃាត់ខ្លួនបាន នៅចំណុចមុខផ្ទះ អ៊ីនធើណេត ភី ភី ណេត ផ្លូវលេខ៦៣កែង២២២ ភូមិ១ សង្កាត់បឹងរាំង ខណ្ឌដូនពេញ ដោយបានសការជាមួយកម្លាំងនគរបាលប៉ុស្តិ៍រដ្ឋបាលបឹងរាំង ខណ្ឌដូនពេញ ហើយចាប់យកមកនគរបាលខណ្ឌចំការមន។
លោកបានបន្ថែមទៀតថា បន្ទាប់ពីសួរនាំ ជនសង្ស័យបានទទួលស្គាល់ថា ខ្លួនបានធ្វើសកម្មភាពប្រើកូនកាំបិតភ្ជុងប្លន់ យកលុយពីបុគ្គលិកណេតត្រឹមតែ២៣០០ដុល្លារ មិនមែនដូចជនរងគ្រោះដាក់ពាក្យបណ្ដឹងបាត់បង់លុយ៣០០០ដុល្លារនោះទេ រួចក៏ដកហូតវត្ថុតាងពីជនសង្ស័យរួមមានម៉ូតូ ពណ៌ខ្មៅ១គ្រឿង ពាក់ស្លាកលេខ រ៨២៨៨ និងកាបូបស្ពាយពណ៌ខ្មៅចំនួន១ និងកូនកាំបិតចិតបន្លែចំបួន០១។
បច្ចុប្បបន្នជនសង្ស័យ រួមទាំងវត្ថុតាងត្រូវបានកម្លាំងជំនាញកសាងសំណុំរឿង បញ្ជូលទៅកាន់តុលាការដើម្បីចាត់ការបន្តតាមនីតិវិធីច្បាប់ ៕ ស រស្មី
