សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចខណ្ឌចំការមន សហការគ្នាជាមួយកម្លាំងព្រហ្មទណ្ឌកម្រិតស្រាល បានឃាត់ខ្លួនជនសង្ស័យម្នាក់ ជាមុខសញ្ញាលួចរថយន្តយ៉ាងសកម្មនៅក្នុងខណ្ឌចំការមនដើម្បីទៅសួរនាំ ។
ហេតុការណ៍នេះ បានកើតឡើងកាលពីវេលាម៉ោង៩ និង២៥នាទីយប់ ថ្ងៃទី១៨ ខែតុលា ឆ្នាំ២០១៨ តាមបណ្តោយផ្លូវ១៩ កែងផ្លូវ១៨៤ នៅចំណុចក្រោយព្រះបរមរាជវាំងស្ថិតនៅក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុ កម្លាំងខណ្ឌចំការមន សហការគ្នាជាមួយកម្លាំងព្រហ្មទណ្ឌកម្រិតស្រាលបានស្រាវជ្រាវតាមរកជនសង្ស័យ ដែលជាមុខសញ្ញាលួចរថយន្តកាលពីប៉ុន្មានថ្ងៃមុន នៅសង្កាត់បឹងកេងកង៣ និងទួលទំពូង២ អស់ប្រហែលជា៣ទៅ៤គ្រឿង ជាប់គ្នាជាក់ស្តែងទើបកម្លាំងរបស់ខណ្ឌបានឃាត់ខ្លួនជនសង្ស័យម្នាក់មិនស្គាល់អត្តសញ្ញាណច្បាស់លាស់ នៅចំណុចក្រោយព្រះបរមរាជវាំងផ្លូវ១៨៤ កែងផ្លូវ១៩ ខណៈ ដែលជនសង្ស័យកំពុងតែអង្គុយផឹកស៊ីជាមួយមិត្តភក្តិ ដើម្បីយកទៅសួរនាំនៅអធិការដ្ឋាននគរបាលខណ្ឌចំការមន ក្រោយពេលទៅដល់ខណ្ឌរួចសមត្ថកិច្ច ក៏បានសួរនាំទៅក៏ជនសង្ស័យខាងលើនោះឃើញថា មិនមានជាប់ពាក់ព័ន្ធរឿងបទល្មើសលួចរថយន្តខាងលើនេះទេ ។ បន្ទាប់មក សមត្ថកិច្ចបានពិនិត្យទឹកនោមឃើញថា មានសារធាតុញ្ញៀនក្នុងខ្លួន។
ក្រោយពេលកើតហេតុ សមត្ថកិច្ចកសាងសំណុំរឿង និងឃាត់ខ្លួនជនសង្ស័យខាងលើ ដែលជាប់ពាក់ព័ន្ធរឿងប្រើប្រាស់ថ្នាំញ្ញៀនដើម្បីចាត់ការតាមនិតិវិធីផងដែរ៕ចាន់ធឿន
