សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ មានករណីអគ្គិភ័យឆេះតូបលក់ឥវ៉ាន់១ខ្នង បណ្តាលឲ្យស្រ្ដីម្នាក់រងរបួសធ្ងន់ កាលពីវេលាម៉ោង១៣ ថ្ងៃទី២៤ ខែតុលា ឆ្នាំ២០១៨ នៅចំណុចភូមិក្រសាំង(ក) ឃុំសានគរ ស្រុកកំពង់ស្វាយ ខេត្តកំពង់ធំ។
សមត្ថកិច្ចបានបញ្ជាក់ប្រាប់ថា ម្ចាស់តូបឈ្មោះ កន កឿន ភេទប្រុស អាយុ៤៧ឆ្នាំ ប្រពន្ធឈ្មោះ សឹង វ៉ន អាយុ៥២ឆ្នាំ (រងរបួសធ្ងន់) យកទៅសង្រ្គោះនៅមន្ទីរពេទ្យ។
តូបទំហំ៤ម៉ែត្រគុណ៥ម៉ែត្រ ដំបូលប្រក់ស័ង្កសី ជញ្ជាំងស័ង្កសី ខូចខាត: ប្រាក់ដុល្លារចំនួន២០០០ដុល្លារ , ប្រាក់រៀលចំនួន១,៥០០,០០០រៀល , អង្ករចំនួន៥០គីឡូក្រាម, ប្រេងម៉ាស៊ូតចំនួន១កាន , ប្រេងសាំងចំនួន២កាន , ធុងទឹកកកធំចំនួន២ , ទូរទស្សន៍ចំនួន១គ្រឿង , អាគុយចំនួន១ , ទូរស័ព្ទចំនួន២គ្រឿង គ្រែដេកចំនួន , ទឹកក្រូចដបធំចំនួន១០យួរ , ទឹកក្រូចដបតូចចំនួន១០យួរ , ទឹកសុទ្ធ១០យួរ , ទឹកភេសជ្ជៈចំនួន១០កេះ , ស្រាបៀអង្គរចំនួន៤កេះ , ធុងហ្គាស់ចំនួន១ , សម្ភារៈលក់ដូរទាំងស្រុង។
មូលហេតុ: ម្ចាស់តូបបូមសាំងលក់ខ្វះការប្រុងប្រយ័ត្នកំពប់ទៅលើដីមានក្មេងយកដែកកេះមកដុត លេងបណ្តាលឲ្យឆាបឆេះ ។
ករណីខាងលើត្រូវបានកម្លាំងសមត្ថកិច្ច និងប្រជាការពារចំនួន៣០នាក់ជួយពន្លត់ រថយន្តអគ្គិភ័យរបស់អធិការដ្ឋាននគរបាលស្រុកកំពង់ស្វាយបានចេញអន្តរាគមន៍ដោយប្រើប្រាស់ទឹកចំនួន១រថយន្ត ស្មើ និង៤ម៉ែត្រគូបរលត់ទាំងស្រុង មិនបង្ករឲ្យឆេះរាលដាលដល់អ្នកជិតខាងឡើយ ៕ ប៊ុនរិទ្ធី
