សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងនគរបាលខណ្ឌចំការមន បានឃាត់ខ្លួនបុរសស្បែកខ្មៅជនជាតិនីហ្សេរីយ៉ា២នាក់ ក្រោយពីពួកគេមានជម្លោះឈ្លោះគ្នានៅតាមផ្លូវ ហើយឈានទៅដល់ប្រើអំពើហិង្សា វាយប្រតាយប្រតប់គ្នា បែកមុខ បែកមាត់ បង្កឲ្យមានការភ្ញាក់ផ្អើលយ៉ាងខ្លាំងទាំងកណ្តាលថ្ងៃនោះ ។
ករណីនេះដែរ បានកើតឡើង កាលពីវេលាម៉ោង២ និង៣០នាទីរសៀល ថ្ងៃទី០៥ ខែវិច្ឆិកា ឆ្នាំ២០១៨ នៅចំណុចមុខផ្ទះលេខ ១៤A ផ្លូវលេខ៣៩២ (ខាងមុខវិទ្យាល័យបឹងកេងកង) ក្នុងសង្កាត់បឹងកេងកងទី១ ខណ្ឌចម្ការមន ក្រុងភ្នំពេញ ។
តាមប្រភពព័ត៌មានពីនគរបាលបានប្រាប់ឲ្យដឹងថា ក្រុមជនជាតិស្បែកខ្មៅទាំង២នាក់ដែលបាន ឃាត់ខ្លួនមានទី១- ឈ្មោះ NMEGBU IOSEPH អាយុ២៨ឆ្នាំ ជនជាតិនីហ្សេរីយ៉ា មុខរបរ និង ទីលំនៅមិនពិតប្រាកដ និងទី២-ឈ្មោះ MICHAEL DANIEL អាយុ៤៣ឆ្នាំ ជនជាតិនីហ្សេរីយ៉ា មុខរបរអ្នកជំនួញ។ មុនពេលកើតហេតុ បុរសជនជាតិស្បែក ខ្មៅទាំង២នាក់ខាងលើ បានឈ្លោះប្រកែកគ្នានៅក្នុងហាងបាយមួយកន្លែងនៅក្បែរមុខផ្ទះខាងលើ និងបាននាំគ្នា ដើរចេញមកខាងក្រៅ ដោយបានដើរបណ្តើរឈ្លោះគ្នាបណ្តើរ។
តាមប្រភពដដែលក៏បានប្រាប់បន្តទៀតថា លុះពួក គេដើរមកដល់ចំណុចខាងលើ ក៏ស្រាប់តែឈានទៅដល់ការប្រើអំពើហិង្សា ដេញប្រវាយប្រតប់គ្នា ទៅវិញទៅមកបណ្តាលឲ្យបែកមុខបែកមាត់រៀងខ្លួន។ ភា្លមនោះក៏ធ្វើឲ្យមានការភ្ញាក់ផ្អើលទៅដល់ ប្រជាពលរដ្ឋ ដែលនៅក្បែរខាង និងកម្លាំងមានសម្ថកិច្ចមូលដ្ឋានកចុះទៅដល់កន្លែងកើតហេតុ និង ចាប់វាយខ្នោះដៃពួកគេ ជាប់គ្នាទាំងពីរតែម្តង ដោយមិនមានអ្នកណាម្នាក់ដឹងពីមូលហេតុអ្វីឡើយ។ ក្រោយពេលកើតហេតុ បុរសជនជាតិនីហ្សេរីយ៉ាជាគូជម្លោះទាំង២នាក់ ត្រូវបានកម្លាំងមានសម្ថកិច្ច ចាប់វាយខ្នោះ យកទៅកាន់នគរបាលប៉ុស្តិ៍បឹងកេងកងទី១ និងធ្វើកំណត់ហេតុបញ្ជូនពួកគេ ទៅកាន់ ការិយាល័យនគរបាល អន្តោប្រវេសន៍រាជធានីភ្នំពេញចាត់ការទៅតាមច្បាប់ ៕ស រស្មី
