សារព័ត៌មាន នគរវត្ត តែងតែនាំមុខគេជានិច្ច
ខេត្តមណ្ឌលគិរី ៖ ជនជនបរទេសម្នាក់ ត្រូវសមត្ថកិច្ចឃាត់ខ្លួនពីបទវាយប្លន់យកម៉ូតូរបស់ពលរដ្ឋខ្មែរ ដែលជិះតាមផ្លូយកទៅលាក់ទុកនៅផ្ទះជួលរបស់ខ្លួន រួចហើយដោះគ្រឿងបន្លាស់ចេញ ក្នុងគោលបំណងមិនឲ្យម្ចាស់រកឃើញ ។
ហេតុការណ៍នេះ បានកើតឡើងនៅវេនៅវេលាម៉ោង១១និង៤៦នាទី ថ្ងៃទី១២ ខែវិច្ឆិកា ឆ្នាំ២០១៨ ស្ថិតនៅភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
សមត្ថកិច្ចឲ្យដឹងថា ជនសង្ស័យឈ្មោះ christopher alexender (គ្រីស្តូហ្វើ អាលិចសែនឌ័រ) ភេទប្រុស អាយុ៣៤ឆ្នាំ ជនជាតិអាល្លឺមង់ កាន់លិខិតឆ្លងដែនលេខ C4KX801XC ស្នាក់នៅបណ្តោះអាសន្នផ្ទះជួល ស្ថិតក្នុងភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ។
តាមការធ្វើតេស្តទឹកនោមបង្ហាញថា ជនសង្ស័យខាងលើ មានសារធាតុញៀន (វិជ្ជមាន) និង ត្រូវបាននាំខ្លួនមកកាន់ស្នងការដ្ឋាននគរបាលខេត្តដើម្បីកសាងសំណុំរឿងតាមនីតិវិធី ៕ ជីវន្ត័
