សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋបានប្រទះឃើញសពបុរសម្នាក់អណ្តែតក្នុងទឹកប្រឡាយបឹកកំប្លោក ស្ថិតក្នុងភូមិត្រូពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ បង្កការភ្ញាក់ផ្អើលកាលពីវេលាម៉ោង២និង៤០នាទីរសៀល ថ្ងៃទី១៩ ខែវិច្ឆិកា ឆ្នាំ២០១៨ ។
មុនពេលកើតហេតុមានប្រជាពលរដ្ឋម្នាក់ជិះម៉ូតូឆ្លងកាត់ទីនោះ ទើបប្រទះឃើញសពខាងលើអណ្តែតក្នុងទឹកប្រឡាយ ដោយសភាពស្អុយរលួយ ទើបរាយការណ៍ទៅសមត្ថកិច្ចចុះពិនិត្យជាក់ស្តែង ។
សពនៅមិនទាន់ស្គាល់អត្តសញ្ញាណនៅឡើងទេ ដោយពាក់អាវក្រណាត់ ពណ៌ខៀវ ខាងក្រៅ អាវយឺតសខាងក្នុង ។
បច្ចុប្បន្នសមត្ថកិច្ចចុះទៅដល់កន្លែងកើតហេតុរង់ចាំជំនាញពិនិត្យជាក់ស្តែង ៕ សុខាសែនជ័យ
