ស្លាប់ម្នាក់ របួសធ្ងន់ម្នាក់ ក្នុងហេតុការណ៍គ្រោះថ្នាក់ចរាចរណ៍ ម៉ូតូបុកម៉ូតូ នៅក្រុងស្ទឹងសែន

ខេត្តកំពង់ធំ៖ ថ្ងៃព្រហស្បតិ៍ ១៥កើត ខែកត្តិក ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២២ ខែវិច្ឆិកា ឆ្នាំ២០១៨ វេលាម៉ោង០៩ៈ៤៥នាទី នៅលើកំណាត់ផ្លូវជាតិលេខ០៦ នៅភូមិពុកយុក សង្កាត់ ស្រយូវ ក្រុងស្ទឹងសែន ខេត្តកំពង់ធំ មានករណីគ្រោះថ្នាក់ចរាចរណ៍ ម៉ូតូបុកម៉ូតូ បើកបរឆ្លងកាត់ផ្លូវ បណ្តាលឲ្យរបួសធ្ងន់០២នាក់ និងស្លាប់០១នាក់ ។

សមត្ថកិច្ចឲ្យដឹងថា ម៉ូតូម៉ាកហុងដាC125 ពណ៌ខ្មៅ ស្លាកលេខ កំពង់ធំ 1K.9534 (បើកបរឆ្លងកាត់ផ្លូវ) ដោយឈ្មោះ មុិញ សុធារិទ្ធ ភេទប្រុស អាយុ១៨ឆ្នាំ នៅភូមិស្រយូវត្បូង សង្កាត់ស្រយូវ ក្រុងស្ទឹងសែន ខេត្តកំពង់ធំ មុខរបរសិស្ស របួសធ្ងន់ (មិនពាក់មួកសុវត្ថិភាព) ។ ម៉ូតូម៉ាកហុងដាC125 ពណ៌ខ្មៅ ស្លាកលេខកំពង់ធំ 1D.6129 បើកបរផ្លូវត្រង់ទិសដៅពីជើងទៅត្បូង ដោយឈ្មោះប៊ុន សារឿន ភេទប្រុស អាយុ២១ឆ្នាំ នៅភូមិពោធិ៍ខាវ ឃុំត្បូងក្រពើ ស្រុកសន្ទុក ខេត្តកំពង់ធំ មុខរបរកម្មករសំណង់ ស្លាប់នៅកន្លែងកើតហេតុ (មិនពាក់មួកសុវត្ថិភាព) ។

អ្នករួមដំណើរជាមួយឈ្មោះ តែ សុធារិទ្ធ ភេទប្រុស អាយុ២០ឆ្នាំ មុខរបរនិស្សិត រស់នៅភូមិ ឃុំជាអ្នកបើកបរឈ្មោះ ប៊ុន សារឿន រងរបួសធ្ងន់ (មិនពាក់មួកសុវត្ថិភាព) ។

មូលហេតុកើតឡើងដោយសារ អ្នកបើកបរម៉ូតូឈ្មោះ មុិញ សុធារិទ្ធ បើកបរឆ្លងកាត់ផ្លូវខ្ជីខ្ជារ ខ្វះការប្រុងប្រយ័ត្ន រួមផ្សំនឹងអ្នកបើកបរម៉ូតូឈ្មោះ ប៊ុន សារឿន បើកបរមានល្បឿនលឿន ។

វត្ថតាងរក្សាទុកនៅប៉ុស្តិ៍នគរបាលរដ្ឋបាលស្រយូវ ៕ ប៊ុនរិទ្ធី