សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កាលពីថ្ងៃទី២៥ ខែវិច្ឆិកា ឆ្នាំ២០១៨ នៅវេលាម៉ោង០១និង០៧នាទី កម្លាំងការិយាល័យបទល្មើសគ្រឿងញៀន ខេត្តព្រះសីហនុ ដែលដឹកនាំដោយលោកវរសេនីយ៍ទោ ឆេង វុទ្ធី ប្រធានមន្ទីរយុត្តិធម៌ បានចុះបង្រ្កាប ករណីជួញដូរគ្រឿងញៀន នៅចំណុចក្រុម១៤ ភូមិ០៤ សង្កាត់០៤ ក្រុងព្រះសីហនុ ។
សមត្ថកិច្ចឲ្យដឹងថា កម្លាំងបានឃាត់ខ្លួនបានជនសង្ស័យចំនួន០៣នាក់ ឈ្មោះងួត ចាន់ ភេទប្រុស អាយុ៣១ឆ្នាំ ជនជាតិ ខ្មែរ មុខរបរកម្មករសំណង់ ស្រុកកំណើត ភូមិស្នាយអន្ជិត ឃុំស្នាយអន្ជិត ស្រុកជុំគីរី ខេត្តកំពត បច្នុប្បន្ននៅកំពេញ សង្កាត់០៣ ក្រុងព្រះសីហនុ, ឈ្មោះឈូស វៀត ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មករសំណង់ ស្រុកកំណើតភូមិដូនសយ ឃុំថ្មី ស្រុកទឹកឈូ ខេត្តកំពត បច្នុប្បនៅន្នកំពេញ សង្កាត់០៣ ក្រុងខេត្តព្រះសីហនុ និងឈ្មោះហឿន ឌីណា ភេទប្រុស អាយុ២១ឆ្នាំ ជនជាតិខ្មែរ មុខរបរសន្តិសុខ ស្រុកកំណើតភូមិប្រហាល ឃុំតាលោ ស្រុកបាកាន ខេត្តពោធិ៍សាត់ បច្នុប្បន្ននៅកំពេញ សង្កាត់០៣ ក្រុងខេត្តព្រះសីហនុ ។
ជាមួយគ្នានេះដែរ កម្លាំងបានដកហូតវត្ថុតាងរួមមាន ៖ម្សៅសថ្លា ចំនួន២កញ្ចប់ ទម្ងន់ទាំងសម្បក៧.៥៤ ក្រាម, ទូរស័ព្ទ ចំនួន០៣គ្រឿង, ម៉ូតូចំនួន០១គ្រឿង, ខ្សៀជក់ចំនួន ០១, ដែកកេះចំនួន០២ និងថង់សម្រាប់ច្រកថ្នាំញៀនមួយចំនួន ។
បច្ចុប្បន្នជនសង្ស័យកំពុងបន្តតាមផ្លូវច្បាប់ ៕ ឆ្លាម សមុទ្រ
