សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ យោងតាមរបាយការណ៍ ពីកងរាជអាវុធហត្ថស្នាក់ការសន្តិសុខ៤០២ឲ្យដឹងថា នៅវេលាម៉ោងជិត3រសៀល ថ្ងៃទី26 ខែវិច្ឆិកា ឆ្នាំ2018 នៅចន្លោះគីឡូម៉ែត្រ 148-149 ស្ថិតក្នុងភូមិគីរីវ័ន្ត ឃុំស្ទឹងឆាយ ស្រុកកំពង់សីលា ខេត្តព្រះសីហនុ មានគ្រោះថ្នាក់ចរាចរណ៍កើតឡើង ដោយមានរថយន្តមួយគ្រឿងម៉ាក សាំយ៉ុង ព៌ណ ស ពាក់ស្លាកលេខ ភ្នំពេញ 2AD-6940 បើកបរ ក្នុងទិសដៅពី ភ្នំពេញ ឆ្ពោះទៅក្រុងព្រះសីហនុ បានបុកជាមួយរថយន្តមួយគ្រឿងម៉ាក ខែនធ័រ ពណ៌ខៀវ ពាក់ស្លាកលេខ ចង្កូតស្តាំ KPS-0160 ក្នុងទិសដៅបញ្ច្រាសគ្នា បណ្តាលឲ្យអ្នករួមដំណើរក្នុងរថយន្តសាំយ៉ុង ចំនួន3នាក់រងរបួសធ្ងន់ និង3នាក់ទៀតរបួសស្រាល ក្នុងនោះប្រុស5នាក់ ស្រីម្នាក់ ។ ជនរងគ្រោះដែលរងរបួសធ្ងន់មាន៖
1-ឈ្មោះ សូ រតនៈ ភេទប្រុសអាយុ 22 ឆ្នាំ ទីលំនៅ ស្រុករមាសហែក ខេត្តស្វាយរៀង ។
2-ឈ្មោះ ទៀង ជឿន ភេទប្រុសអាយុ 60ឆ្នាំ ទីលំនៅស្រុក គងពិសី ខេត្តកំពង់ស្ពឺ ។
3-ឈ្មោះ រដ្ឋ ភារុន ភេទប្រុសអាយុ44 ឆ្នាំ ទីលំនៅស្រុក កំពង់រោទ៍ ខេត្តស្វាយរៀង ។
ដោយឡែកអ្នករងរបួសស្រាល ពួកគាត់បានឡើងរថយន្តទៅផ្ទះរៀងៗខ្លួន ។
ក្រោយពេលកើតហេតុ អ្នកបើកបររថយន្តទាំងពីររត់គេចខ្លួនបាត់ ។
បច្ចុប្បន្នអ្នករងរបួសធ្ងន់ត្រូវបានបញ្ជូនទៅមន្ទីរពេទ្យ ។ រីឯវត្ថុតាងបានយកមករក្សាទុកនៅអធិការដ្ឋាននគរបាលស្រុកកំពង់សីលាបន្តតាមនីតិវិធី ៕ ឆ្លាម សមុទ្រ
