សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកវរសេនីយ៍ត្រី តាក រាម អធិការរងនគរបាលក្រុងព្រះសីហនុ បានឲ្យដឹងថា៖ នៅថ្ងៃទី២៦ ខែវិច្ឆិកា ឆ្នាំ២០១៨ វេលាម៉ោង៣ទៀបភ្លឺ កម្លាំងអធិការដ្ឋានគរបាលក្រុង បានចុះបង្រ្កាបករណីគ្រឿងញៀន ឃាត់ខ្លួនជនសង្ស័យ១ នាក់ ស្ថិតនៅក្រោយសុខសាន្ត ក្រុមទី១១ ភូមិ១ សង្កាត់លេខ៤ ក្រុង-ខេត្តព្រះសីហនុ ។
ប្រភពបន្តថា ជនសង្ស័យឈ្មោះ សៀវ ក្តាម ភេទប្រុស អាយុ ១៨ ឆ្នាំ មុខរបរ មិនពិតប្រាកដ ទីលំនៅបច្ចុប្បន្ន មិនពិតប្រាកដ ស្រុកកំណើតខេត្តកំពត ។ វត្ថុតាងចាប់យកបាន ម្សៅក្រាមពណ៌ស ថ្លា១០កញ្ចប់ ។
ករណីនេះ សមត្ថកិច្ចជំនាញកំពុងកសាងសំណុំរឿងតាមនីតិវិធីបញ្ជូនទៅសាលាដំបូងខេត្ត ៕ ឆ្លាម សមុទ្រ
