សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ គ្រោះថ្នាក់ចរាចរណ៍រវាងរថយន្ត បុកនឹងរថយន្ត ក្នុងទិសដៅស្របគ្នា (ពីជើងទៅត្បូង) បណ្តាលឲ្យរបួសធ្ងន់១នាក់ និងរបួសស្រាល០៣នាក់។
ហេតុការណ៍នេះ បានកើតឡើងកាលពិវេលាម៉ោង៤ និង១៩នាទីទៀបភ្លឺ ថ្ងៃ២៩ ខែវិច្ឆិកា ឆ្នាំ២០១៨ លើកំណាត់ផ្លូវជាតិលេខ០៦ ចំណុចមុខផ្ទះឈ្មោះហេង ចាន់ នៅភូមិពុកយុក សង្កាត់ ស្រយូវ ក្រុងស្ទឹងសែន ខេត្តកំពង់ធំ ។
សមត្ថកិច្ចបញ្ជាក់ថា រថយន្តម៉ាកហ៊ីយ៉ាន់ដាយ ពណ៌បៃតង ស្លាកលេខ ភ្នំពេញ 3A.2739 (ដឹកមើមដំឡូងមី) អ្នកបើកបរមិនស្គាល់អត្តសញ្ញាណ ក្រោយបង្កហេតុ បានរត់គេចខ្លួនបាត់ស្រមោល ។ រីឯរថយន្តសាំយ៉ុង ពណ៌ស ស្លាកលេខ ភ្នំពេញ 2Q.5770 ដឹកអ្នកដំណើរ ឈប់លើទ្រូងផ្លូវ បើកបរដោយឈ្មោះ ហេង ជ្រុយ ភេទប្រុស អាយុ៥០ឆ្នាំ នៅភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ របួសធ្ងន់ ។
ប្រភពបន្តថា ចំណែកអ្នករួមដំណើរជាមួយចំនួន៣នាក់: ១-ឈ្មោះ ទូច ផល្លា ភេទប្រុស អាយុ៤៥ឆ្នាំ មុខរបរ មន្ត្រីរាជការ នៅភូមិពោធិ៍បាក់ករ សង្កាត់ដំរីជាន់ខ្លា ក្រុងស្ទឹងសែន រងរបួសស្រាល ។ ២-ឈ្មោះ ឃុយ ម៉េងស្រៀង ភេទស្រី អាយុ៣២ឆ្នាំ មុខរបរអាជីវករ រស់នៅភូមិដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន រងរបួសស្រាល ។ ៣-ឈ្មោះ ឈ បៀងគង់ ភេទប្រុស អាយុ៦៥ឆ្នាំ មុខរបរ មន្ត្រីរាជការ រស់នៅភូមិកំពង់ក្របៅ សង្កាត់កំពង់ក្របៅ ក្រុងស្ទឹងសែន រងរបួសស្រាល ។
សមត្ថកិច្ចបញ្ជាក់ថា មូលហេតុបឋមបង្កឡើងដោយ អ្នកបើកបររថយន្តសាំយ៉ុងឈប់លើទ្រូង ផ្លូវខ្ជីខ្ជារខ្វះការប្រុងប្រយ័ត្ន រួមផ្សំនឹងអ្នកបើកបររថយន្តហ៊ីយ៉ាន់ដាយដឹកមើមដំឡូងមី បើកបរខ្វះការប្រុងប្រយ័ត្ន ។
ក្រោយកើតហេតុ សមត្ថកិច្ចបញ្ជូនជនរងគ្រោះទៅមន្ទីរពេទ្យ ចំណែកវត្ថុតាងរក្សាទុកនៅប៉ុស្តិ៍នគរបាលរដ្ឋបាលស្រយូវរង់ចាំដោះស្រាយគ្នាតាមច្បាប់ ៕ ប៊ុនរិទ្ធី
