សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ មុខសញ្ញាសង្ស័យ៣នាក់ ត្រូវបានកម្លាំងនគរបាល ស្រុកឧដុង្គ ស្រាវជ្រាវបង្រ្កាបបានរួមទាំំងវត្ថុតាងគ្រឿងញៀនបានមួយចំនួនទៀតផង ។
សមត្ថកិច្ចបញ្ជាក់ថា ករណីបង្រ្កាបនេះ ធ្វើឡើងនៅចំណុចព្រៃ របោះ ខាងលិចភូមិត្រពាំងក្តុល ស្ថិតក្នុងភូមិត្រពាំងក្តុល ឃុំ ត្រាចទង ស្រុក ឧដុង្គ ខេត្តកំពង់ស្ពឺ កាលពីរសៀលថ្ងៃទី២៩ ខែវិច្ឆិកា ឆ្នាំ២០១៨ ។
នគរបាលស្រុកឧដុង្គបានឲ្យដឹងថា សមត្ថកិច្ចឃាត់បានមុខសញ្ញាសង្ស័យ៣នាក់ ១.ឈ្មោះ បូ ឌីម ភេទប្រុស អាយុ២៥ឆ្នាំ ២.ឈ្មោះ សាំ សុធី ភេទប្រុស អាយុ១៩ឆ្នាំ ៣.ឈ្មោះ ហុក ម៉េង ភេទប្រុស អាយុ២៤ឆ្នាំ រស់នៅភូមិដុកស្អាត ឃុំ មានជ័យ ស្រុកឧដុង្គ ។ ក្នុងប្រតិបត្តិការនេះ សមត្ថកិច្ចឃាត់ឆែកឆេររកឃើញ ម្សៅក្រាមពណ៌ស សង្ស័យថា ជាគ្រឿងញៀនចំនួន ៨ កញ្ចប់ (៧តូច ១មធ្យម) ព្រមទាំងឧបករណ៍កែឆ្នៃសម្រាប់ប្រើប្រាស់គ្រឿងញៀនមួយចំនួន និងទូរស័ព្ទដៃចាស់ៗ ២គ្រឿង ។
តាមការឲ្យដឹងពីលោកវរៈសេនីយ៍ឯក ខឹម សាម៉ុន អធិការស្រុក ថា ករណីនេះ គឺមានការរាយការណ៍ផ្ដល់ព័ត៌មានពីប្រជាពលរដ្ឋល្អ ទើបលោកបានចាត់តាំងកម្លាំងឲ្យចុះឃ្លាំមើលស្រាវជ្រាវរហូតបង្រ្កាបបានជាក់ស្ដែងដូចពេលនេះ ។
បច្ចុប្បន្នមុខសញ្ញា រួមនឹងវត្ថុតាង ត្រូវបានបញ្ជូនទៅការិយាល័យជំនាញខេត្ដដើម្បីចាត់ការតាមនីតិវិធី ៕ សេនាស័ក្តិ
