សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ គ្រោះថ្នាក់ចរាចរណ៍រវាងរថយន្ដ សាំយ៉ុងបុកអ្នកជិះម៉ូតូបណ្ដាលឲ្យស្លាប់ម្នាក់ និងរបួសស្រាលម្នាក់ ។
ហេតុការណ៍នេះ បានកើតឡើងកាលពីវេលាម៉ោង៧និង២០នាទីព្រឹក ថ្ងៃទី៣០ ខែវិច្ឆិកា ឆ្នាំ២០១៨ ស្ថិតនៅត្រង់ចំណុចអូរដៃជ្រៃ ភូមិកំពុបអំបិល ឃុំ បឹងល្វា ស្រុកសន្ទុក ខេត្តកំពង់ធំ ។
សមត្ថកិច្ចប្រាប់ថា រថយន្តបង្ក ម៉ាកសាំងយ៉ុង ពណ៌លឿង ស្លាកលេខគ្មាន បើកបរទីសដៅពីជើងទៅត្បូង ហើយអ្នកបើកបរមិនស្គាល់អត្តសញ្ញាណ រត់គេចខ្លួនបាត់ ។
រីឯអ្នកជិះម៉ូតូ បើកបរ ពីជើងទៅត្បូង ឈ្មោះ សៀន ឈិន ភេទប្រុស អាយុ៦២ឆ្នាំ រស់នៅភូមិ ឃុំ កើតហេតុខាងលើ ស្លាប់នៅកន្លែងកើតហេតុ និងអ្នករងរបួសស្រាលម្នាក់ទៀត មិនស្គាល់ឈ្មោះនោះទេ ។
ករណីខាងលើនេះ សមត្ថកិច្ចបញ្ជាក់ថា មកពីមូលហេតុ អ្នកជិះម៉ូតូខ្វះការប្រុងប្រយ័ត្ន ។
ក្រោយកើតហេតុ សមត្ថកិច្ចបញ្ជូនជនរងគ្រោះទៅមន្ទីរពេទ្យ ចំណែកអ្នកស្លាប់ ប្រគល់ឲ្យសាច់ញាតិក្រុមគ្រួសារចាត់ចែងធ្វើបុណ្យតាមប្រពៃណី និងប្រមូល វត្ថុតាងរថយន្ត និងម៉ូតូយកមករក្សាទុកនៅអធិការដ្ឋាននគរបាលស្រុកសន្ទុក រង់ចាំដោះស្រាយគ្នាតាមច្បាប់ ៕ ប៊ុន រិទ្ធី
