សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ មនុស្សចំនួន៤នាក់ បានរងរបួសធ្ងន់ និងស្រាល ខណៈដែលជួបគ្រោះថ្នាក់ចរាចរណ៍ ជិះម៉ូតូបោលបុកគ្នាពេញទំហឹង ដូលរដូករណែលលើដងផ្លូវជាតិ នៅវេលាម៉ោង៤និង៥៥នាទីរសៀល ថ្ងៃទី២៩ ខែវិច្ឆិកា ឆ្នាំ២០១៨ ស្ថិតនៅលើផ្លូវជាតិលេខ៧៨ ត្រង់ចំណុច ភូមិលូច ឃុំទីងចាក់ ស្រុកបរកែវ ខេត្តរតនគិរី។
សមត្ថកិច្ចស្រុកបរកែវ បានឲ្យដឹងថា គ្រោះថ្នាក់ចរាចរណ៍នេះ បង្កឡើងដោយម៉ូតូ wave ពណ៌ត្រាវ ស្លាកលេខពាក់ស្លាកលេខ ស្វាយរៀង1A-5523បើកបរដោយ ឈ្មោះ ហម សុវិត្ថ ភេទប្រុស អាយុ២២ឆ្នាំ ជនជាតិខ្មែរ មានអ្នករួមដំណើរ២នាក់ទៀត ទី១ឈ្មោះ ឡេង ម៉េងគីម ទី២ ឈ្មោះ ជាវ ម៉ាប់ អ្នកទាំង៣ រស់នៅភូមិ ឡុំ ឃុំប៉ុកញ៉ៃ ស្រុកអូយ៉ាដាវ ខេត្តរតនគិរី បើកបរទិសដៅពីកើតទៅលិច លុះមកដល់ចំណុចកើតហេតុ បានវ៉ាជែងរថយន្តមួយគ្រឿងទៀត ក៏ជ្រុលទៅបុកម៉ូតូម៉ាក Wave I ពណ៌ខ្មៅ គ្មានស្លាកលេខ បើកបរដោយឈ្មោះ ឈឿន អុន ភេទប្រុស អាយុ ៣១ឆ្នាំជនជាតិខ្មែ មុខរបរ កម្មករជៀជរ័កៅស៊ូ រស់នៅភូមិទូយ ឃុំទីងចាក់ ស្រុកបរកែវ ខេត្តរតនគិរី ដែលកំពុងតែជិះបត់ឆ្វេងឆ្លងផ្លូវ ស្រាប់តែម៉ូតូបង្កមកបុកពេញទំហឹង បណ្ដាលឲ្យរងរបួសធ្ងន់បាក់ជើងឆ្វេង និងរបួសក្បាល ត្រូវបានបញ្ជូនសង្គ្រោះបន្ទាន់ភ្លាមៗនៅមន្ទីរពេទ្យបង្អែកខេត្តផងដែរ ។
ក្រោយកើតហេតុកម្លាំងនគរបាលប៉ុស្តិ៍ទីងចាក់ យកម៉ូតូទាំងពីរគ្រឿង មករក្សាទុកបណ្ដោះអាសន្ននៅប៉ុស្តិ៍ រដ្ឋបាលឃុំដើម្បីរង់ចាំការដោះស្រាយនៅពេលក្រោយ ៕ ជីវន្ត័
