សារព័ត៌មាន នគរវត្ត តែងតែនាំមុខគេជានិច្ច
ខេត្តកំពងធំ៖ មនុស្សប្រុសស្រី៧នាក់រងរបួសធ្ងន់ និងស្រាលក្នុងហេតុការណ៍គ្រោះថ្នាក់ចរាចរបង្កឡើងដោយខ្លួនឯង កាលពីវេលាម៉ោង១៦ និង៥០នាទី ថ្ងៃសុក្រ ០៧ កើត ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៤ ខែធ្នូ ឆ្នាំ២០១៨ លើកំណាត់ផ្លូវជាតិលេខ០៦ ចន្លោះគីឡូម៉ែត្រលេខ ១៤២-១៤៣ ភូមិទួលវិហារ ឃុំជ្រាប់ ស្រុកសន្ទុក ខេត្តកំពង់ធំ ។
សមត្ថកិច្ចបានឲ្យដឹងថារថយន្តម៉ាកហ្វត ពណ៌ទឹកប្រាក់ ផ្លាកលេខភ្នំពេញ2Y.0759(របស់ក្រុមហ៊ុនឡារីតា ដឹកអ្នកដំណើរ) (បើកបរទឹសដៅពីជើងទៅត្បូង) អ្នកបើកបរមិនស្គាល់អត្តសញ្ញាណ (គេចខ្លួន)។ អ្នករួមដំណើរក្នុងរថយន្តចំនួន១៥នាក់ ក្នុងនោះរបួសមនុស្សចំនួន០៧នាក់ ក្នុងនោះមានមនុស្សស្រី៣ រងរបួសស្រាល និង មនុស្សស្រី២ ប្រុស២ រងរបួសធ្ងន់ ១ឈ្មោះ សាក់.ណារី ភេទស្រី អាយុ៣០ឆ្នាំ នៅខេត្តសៀមរាប(របួសធ្ងន់) ២-ឈ្មោះ ជា លក្ខណា ភេទស្រី អាយុ៣២ឆ្នាំ នៅរាជធានីភ្នំពេញ (របួសធ្ងន់) ៣-ឈ្មោះ ជា ហៀង ភេទប្រុស អាយុ៥៨ឆ្នាំ នៅរាជធានីភ្នំពេញ(របួសធ្ងន់) ៤-ឈ្មោះ ម៉ៃ សត្ថា ភេទប្រុស អាយុ៤៨ឆ្នាំ នៅរាជធានីភ្នំពេញ(របួសធ្ងន់) ៥-ឈ្មោះ ឃិន ស្រីមុំ ភេទស្រី អាយុ៣២ឆ្នាំ នៅរាជធានីភ្នំពេញ(របួសស្រាល) ៦-ឈ្មោះ សម សុីនន ភេទស្រី អាយុ៤៧ឆ្នាំ នៅរាជធានី ភ្នំពេញ (របួសស្រាល) ៧-ឈ្មោះ បូរី ណា ភេទស្រី អាយុ២៨ឆ្នាំ នៅរាជធានីភ្នំពេញ (របួសស្រាល)។
មូលហេតុ បង្កដោយអ្នកបើកបររថយន្តបើកបរមានល្បឿនលឿន បានបុកសត្វឆ្កែហើយរេចង្កូតធ្លាក់ពីផ្លូវថ្នល់តែម្ដង ។
ក្រោយកើតហេតុសមត្ថកិច្ចបានចុះវាស់វែងធ្វើកំណត់ហេតុ បញ្ជូនជនរងគ្រោះទៅមន្ទីរពេទ្យ និងប្រមូលវត្ថុតាងយករក្សាទុកនៅអធិការដ្ឋាននគរបាលស្រុកសន្ទុក ៕ ប៊ុនរិទ្ធី
