សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនប្រុស ស្រីពីរនាក់ ជិះម៉ូតូហុងដាប៊ីតមួយគ្រឿង ទៅបុកជាមួយហុងដាឌ្រីមសង់មួយគ្រឿងទៀត ជិះដោយយុវជនម្នាក់បញ្ចា្រសទិសដៅគ្នាពេញទំហឹង បណ្តាលឲ្យរងរបួសធ្ងន់ទាំងបីនាក់។
ហេតុកាលនេះ កើតឡើងកាលពីវេលាម៉ោងរំលងអធ្រាត្រ ឈានចូលថ្ងៃទី១៩ ខែធ្នូ ឆ្នាំ២០១៨ ស្ថិតនៅចំណុចមុខផ្ទះសំណាក់ ចេក មាស តាមបណ្តោយផ្លូវ២៣០ ក្នុងសង្កាត់ទឹកល្អក់៣ ខណ្ឌទួលគោក។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញយុវជនប្រុសស្រីពីរនាក់ ជិះម៉ូតូមួយគ្រឿងម៉ាកហុងដាប៊ីតពណ៌ស លាយក្រហម 1HE-6200 ធ្វើដំណើរទិសដៅពីលិចទៅកើត ខណៈមកដល់ចំណុចកើតហេតុខាងលើ បានរេចង្កូតមកខាងឆ្វេងដៃចូល ចំណែកផ្លូវម្ខាងទៀតទៅបុកជាមួយម៉ូតូហុងដាឌ្រីម សង់ ២០១៨ ពណ៌ខ្មៅមួយគ្រឿង ពាក់ស្លាកលេខ ភ្នំពេញ 1GW-8308 ជិះដោយយុវជនពីនាក់បញ្ច្រាស ទិសដៅគ្នាពីកើតទៅលិចពេញទំហឹងបណ្តោយបោកផ្ទប់នឹងគ្នា រងរបួសធ្ងន់ទាំងបីនាក់បន្ទាប់មកត្រូវបានរថយន្តសង្ក្រាបន្ទាន់ក្លីនីកហុង ហាក់ដឹកយកទៅសង្គ្រោះភ្លាមៗ ។
ដោយស្ថានភាពយុវជនប្រុសស្រីពីរនាក់ បានរងរបួសធ្ងន់ធ្ងរ ពេកបានបញ្ជូនបន្តទៅសង្គ្រោះនៅ មន្ទីពេទ្យកាលម៉ែត្រ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនង ទៅសមត្ថកិច្ចជំនាញខណ្ឌចុះមកធ្វើការវាស់យកម៉ូតូទាំងពីរគ្រឿង ទៅរក្សាទុកនៅអធិការដ្ឋាននគរបាលខណ្ឌទួលគោករង់ចាំដោះស្រាយគ្នាទៅតាមផ្លូវច្បាប់ ៕ សុខាសែនជ័យ
