នគរបាលស្រុកក្រូចឆ្មារចាប់ខ្លួនបុរសម្នាក់តាមដីកា សាលាដំបូងខេត្តត្បូងឃ្មុំ

លោកវរសេនីយ៍ត្រី វ៉ា សម្បត្តិ អធិការរងទទួលផែនព្រហ្មទណ្ឌ ដែលបានដឹកនាំកម្លាំងជំនាញផ្ទាល់អោយដឹងថា កម្លាំងលោកបានសហការជាមួយប៉ុស្តិ៍នគរបាលរដ្ឋបាលឃុំទួលស្នួល ដោយអនុវត្តន៍តាមដីការបស់សាលាដំបូងខេត្តត្បូងឃ្មុំលេខ៣៧១៩ ចុះថ្ងៃទី០២ ខែមិថុនា ឆ្នាំ២០១៧ ស្ថានទម្ងន់ទោសនៃបទឧក្រិដ្ឋ (ប្លន់)តាមមាត្រា៣៥៣ នៃក្រមនីតិវិធីព្រហ្មទណ្ឌ ដែលប្រព្រឹត្តនៅភូមិទួលអុក ឃ្មុំទួលស្នួល ស្រុកក្រូចឆ្មារ ខេត្តត្បូងឃ្មុំ កាលពីថ្ងៃទី២៧ មីនា ឆ្នាំ២០០៥ ។

លោកបញ្ជាក់ថា ការរង់ចាំ១៣ឆ្នាំក៏មិនយឺតពេលដែរ កុកភ្លេចជុង តែជុងមិនភ្លេចកុកនោះទេ ប្លន់រត់គេច ១៣ឆ្នាំ វិលមកវិញចាប់ដាក់គុកភ្លាម ។ ទើបនៅវេលា ម៉ោង៧និង៣០នាទីថ្ងៃទី១៨ ខែធ្នូ ឆ្នាំ២០១៨ចាប់ខ្លួន ជននេះបាន ក្រោមការបញ្ជាផ្ទាល់ពីលោកវរះសេនីយ៍ឯក សាំ ហេង អធិការនគរបាលស្រុកក្រូចឆ្មារ។

លោកវរសេនីយ៍ត្រី វ៉ា សម្បត្តិអោយដឹងថា ជនត្រូវចោទ ឈ្មោះ ឃ្លី ថា ភេទប្រុស អាយុ៣៨ឆ្នាំ ជាតិខ្មែរ មុខរបរកសិករ ទីលំនៅភូមិអញ្ចើម ឃុំអញ្ចើម ស្រុកត្បូងឃ្មុំ ខេត្តត្បូងឃ្មុំ ។

បច្ចុប្បន្នជននេះកម្លាំងជំនាញបានរៀបចំធ្វើរបាយ ការណ៍ នីតិវិធីច្បាប់ និងបាននាំជនល្មើសបញ្ជូនភ្លាមៗទៅតុលាការដើម្បីចាត់ការតាមនីតិវិធីច្បាប់ ៕វណ្ណៈ