សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យ៉ាងហោចណាស់បុរសម្នាក់ស្លាប់ និងម្នាក់ទៀតរងរបួសធ្ងន់ ដោយសារករណីគ្រោះថ្នាក់ ចរាចរណ៍ គួរឲ្យរន្ធត់រវាងម៉ូតូប្រើប្រាស់ល្បឿនលឿន បុកម៉ូតូបញ្ច្រាសទិសគ្នាយ៉ាងពេញទំហឹង លាន់សូរដូចរន្ទះ បង្កការភ្ញាក់ផ្អើល ដល់អ្នកភូមិ កាលពីវេលាម៉ោង៥ និង៣០នាទីល្ងាច ថ្ងៃទី ២៨ ខែធ្នូ ឆ្នាំ២០១៨ លើផ្លូវលេខ ៣១៤Cស្ថិតក្នុងភូមិ តារាងបាល់ សង្កាត់ គយត្របែក ក្រុង ស្វាយរៀង ។
បើតាមសមត្ថកិច្ចនគរបាលក្រុងស្វាយរៀងបានឲ្យដឹងថា អ្នកបើកម៉ូតូបង្កហេតុដែលស្លាប់មានឈ្មោះសៅ វាសនា អាយុ ២២ ឆ្នាំ មុខរបរ កម្មករសំណង់ រស់នៅភូមិ បាសាក់ ឃុំ បាសាក់ ស្រុក ស្វាយជ្រំ ខេត្ត ស្វាយរៀងខណះជិះម៉ូតូម៉ាក ហុងដា ពណ៌ ព្រីងទុំ ពាក់ស្លាកលេខសេរីចាស់ ស្វាយរៀង១ ក.៨០៦៨ ខូចខាតទាំងស្រុង ។ ចំណែកអ្នករងរបួសធ្ងន់មានឈ្មោះ មុី សុភ័ក្រ អាយុ ២៣ ឆ្នាំ មុខរបរ កម្មកររោងចក្រ រស់នៅភូមិ បាសាក់ ឃុំ បាសាក់ ស្រុក ស្វាយជ្រំ ខេត្ត ស្វាយរៀង ។
តាមសាក្សីបានឲ្យដឹងថាមុនកើតហេតុមានបុរសម្នាក់បានជិះម៉ូតូមួយគ្រឿងម៉ាកហុងដា ពណ៌ ព្រីងទុំ ពាក់ស្លាកលេខសេរីចាស់ ស្វាយរៀង១ ក.៨០៦៨ ដោយធ្វើដំណើរពីជើងទៅត្បូុងល្បឿនលឿនមិនប្រកាន់ស្ដាំស្រាប់តែទៅបុក និងម៉ូតូម្ខាងទៀតម៉ាកហុងដាសេ ១២៥ ពណ៌ ខ្មៅ ពាក់ស្លាកលេខ ស្វាយរៀង ១F ១៩១៥ បើកបរដោយបុរសម្នាក់ក្នុងទិសដៅពីត្បូងទៅជើង បញ្ច្រាសគ្នាយ៉ាងពេញទំហឹងលាន់ដូចរន្ទះ បង្កការភ្ញាក់ផ្អើលតែម្ដង ។
ក្រោយមកអ្នកភូមិបានរាយការណ៍មកសមត្ថកិច្ចមកអន្តរាគមន៍ និងដឹកអ្នករងរបួសធ្ងន់មកកាន់មន្ទីពេទ្យបង្អែក ប៉ុន្តែដោយសភាពធ្ងន់ ក្រុមគ្រួសារបញ្ជូនបន្តមករាជធានីភ្នំពេញ ។
ចំណែកសពភាគីម្ខាងទៀតត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ។
ចំពោះវត្ថុតាងម៉ូតូទាំង២គ្រឿងសមត្ថកិច្ចវាស់វែង និងអូសមករក្សាទុកនៅការិយាល័យនគរបាលចរាចរណ៍ខេត្តស្វាយរៀងដើម្បីដោះស្រាយតាមច្បាប់ ៕ យឹម សុថាន
