សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហេតុការណ៍ភ្ញាក់ផ្អើលមួយបន្ទាប់មន្ត្រីយោធា ម្នាក់បានប្រើអំពើហិង្សានិងគំរាមបាញ់សម្លាប់ដាក់ប្រពន្ធនិងបងថ្លៃព្រោះតែខឹងប្រពន្ធសួរនាំរឿងមានស្រីថ្មី។ ហើយត្រូវបានកម្លាំងសមត្ថកិច្ចធ្វើការឃាត់ខ្លួនតែម្តង។
ហេតុការណ៍នេះបានកើតឡើងកាលពីវេលាម៉ោង៨យប់ ថ្ងៃព្រហស្បតិ៍ ១២រោច ខែមិកសិរ ឆ្នាំច សំរឹទ្ធស័ក ពស ២៥៦២ ត្រូវនិង្ងៃថ្ងៃទី២ ខែមករា ឆ្នាំ២០១៩ នៅចំណុចផ្ទះជួល ភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ ។
ជនសង្ស័យឈ្មោះ ហង្ស រ៉ាឌែរ ភេទប្រុស អាយុ២៦ឆ្នាំ មុខរបរ មន្ត្រីយោធាសម្ភារៈបច្ចេកទេស ក្រសួងការពារជាតិ ឋានន្តរស័ក្តិវរសេនីយ៍ត្រី។
មានប្រពន្ធឈ្មោះ សួន ស្រីទូច ភេទស្រី អាយុ២៧ឆ្នាំ មុខរបរកម្មកររោងចក្រ និងបងថ្លៃឈ្មោះ សួន សារុន ភេទស្រី មុខរបរ កម្មកររោងចក្រ មានទីលំនៅខាងលើ ។
តាមស្ត្រីជាប្រពន្ធបានឲ្យដឹងថា មុនពេលកើតហេតុ ដោយសារជនបង្កមានស្រី ពេលប្រពន្ធ សួរនាំក៏ឈ្លោះគ្នា ហើយប្រើអំពើហិង្សាលើប្រពន្ធ នៅពេលបងថ្លៃស្រីសួនាំក៏ទះកំផ្លៀងបងថ្លៃ និងបោកទូរស័ព្ទ និងគំរាមបាញ់សម្លាប់។
សមត្ថកិច្ចបន្តថា ក្រោយពេលកើតហេតុជនបង្ក និងអាវុធខ្លីមួយដើម ម៉ាក NP42 (បង់១គ្រាប់១៥) ត្រូវបានកម្លាំងនគបាលប៉ុស្តិ៍រដ្ធបាលចោមចៅ៣ នាំខ្លួនមកសាកសួរ ប៉ុន្តែ ដោយសារតែជនបង្កជាមន្ត្រីយោធា ទើបសមត្ថកិច្ចប៉ុស្តិ៍ចោមចៅ៣ សម្រេចប្រគល់មកឲ្យកម្លាំងអាវុធហត្ថខណ្ឌពោធិ៍សែនជ័យធ្វើការសាកសួរ និងចាត់ការបន្តវិញ។
បច្ចុប្បន្ន ជនបង្ក និងអាវុធខ្លី ត្រូវបានបញ្ជូនទៅការិយាល័យជួញដូរមនុស្ស នៃកងរាជអាវុធរាជធានីភ្នំពេញ ដើម្បីបន្តនីតិវិធី៕សុខាសែនជ័យ
