សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកវរសេនីយ៍ត្រីអ៊ួង វុទ្ធី អធិការរងនគរបាលស្រុកព្រៃនប់ បានឲ្យដឹងថាៈ នៅវេលាម៉ោង៩:០០នាទី ព្រឹកថ្ងៃទី៨ ខែមករា ឆ្នាំ២០១៩ នេះ មានការផ្អើលឆោឡោ ដោយសារក្មេងស្រីអាយុ៣ឆ្នាំ បានរត់លេងហើយធ្លាក់ទឹក លង់ស្លាប់ នៅផែទូកនេសាទ ភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ។
ក្នុងខណៈដែលក្មេងស្រីខាងលើ នៅជាមួយជីដូន ហើយរត់ទៅលេងនៅផែរួច ក៏ធ្លាក់ទឹក លង់ស្លាប់តែម្តង។
មន្ត្រីមូលដ្ឋានប្រាប់ថា មូលហេតុដោយសារក្មេងស្រីរងគ្រោះនៅជាមួយជីដូន ហើយរត់ទៅលេងនៅផែរួចក៏ធ្លាក់ទឹកលង់ស្លាប់តែម្តង។
ដំណឹងក្រៀមក្រំនេះ ក៏សូមជូនដល់ អ្នកអាណាព្យាបាល ក្មេងៗទាំងអស់ មេត្តាបង្កើនការប្រុងប្រយ័ត្ន ផងដែរ ៕ ឆ្លាម សមុទ្រ
