បុរសម្នាក់ត្រូវដើមឈើរលំសង្កត់ខ្លួនឯងស្លាប់

ខេត្តមណ្ឌលគិរី ៖ បុរសម្នាក់បានស្លាប់ភ្លាម ខណៈដែលអារដើមឈើក្នុងចំការមិមានការប្រុងប្រយ័ត្ន បណ្តាលឲ្យដួលរលំសង្កត់លើខ្លួនឯង ។

ហេតុការណ៍រលំដើមឈើសង្កតលើមនុស្សនេះ កើតឡើងនៅវេលាម៉ោង១៣ ថ្ងៃទី ៩ ខែមករា ឆ្នាំ២០១៩ នៅចំណុចក្នុងដីចំការស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ។

ប្រភពបានឲ្យដឹងថា ជនរងគ្រោះឈ្មោះ យាង ណាង ភេទប្រុស អាយុ ២៥ឆ្នាំ ជនជាតិខ្មែរមុខរបរកសិករមានស្រុកកំណើតសង្កាត់ជ្រៃ ក្រុងព្រៃវែងខេត្តព្រៃវែង បច្ចុប្បន្ន ស្នាក់នៅភូមិ អូរអាម ឃុំ ស្រែខ្ទុម ស្រុកកែវសីមា ខេត្តមណ្ឌលគិរី ។

កម្លាំងជុំនាញរបស់អធិការដ្ធានស្រុកកែវសីមាបានត្រួតពិនិត្យរួថាពិតជាស្លាប់ដោយសារដើមឈើរលំដួលសង្កត់លើពិតប្រាកដមែន ហើយក៏បានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី ផងដែរ ៕ ជីវ័ន្ត