ព័ត៌មានទាន់ហេតុការណ៍៖

វាយប្រហារភេរវកម្ម​នៅទីក្រុង ណៃរូប៊ី សង្ស័យស្លាប់ និងរបួសច្រើននាក់

ចែករំលែក៖

សាក្សី​បានរាយការណ៍មកកាន់បណ្តាញព័ត៌មានស្កាយញូវ ថា មានហេតុការណ៍​ផ្ទុះបានកក្រើកឡើង និងមានបាញ់កាំភ្លើងធុនធំ​​ផងដែរ ស្ថិតនៅឯបរិវេណសណ្ឋាគារប្រណីតមួយ​នៅក្នុងទីក្រុង​ណៃរ៉ូប៊ី ប្រទេសកេនយ៉ា កាលពីព្រលប់ថ្ងៃទី១៥ ខែមករា ឆ្នាំ២០១៩ ។

ហេតុការណ៍នេះ ជាអំពើភេរវកម្ម កំពុងលាតសន្ធឹងនៅឯបរិវេណ​​សណ្ឋាគារ DusitD2 ។ ពេលនេះ គេមិនទាន់ដឹងថា មានជនរងគ្រោះប៉ុន្មាននាក់បាត់បង់ជីវិតនោះទេ ប៉ុន្តែសាក្សីថា ឃើញសាកសព២នាក់នៅទីកន្លែងកើតហេតុនោះ ។ បរិវេណ​នេះមានគ្របដណ្តប់ដោយអគារ ធនាគារ និងអគារការិយាល័យ​បម្រើការងារផ្សេងៗ ​។

ប៉ូលិសត្រូវបានគេនិយាយថា ​បាននិងកំពុងប្រតិបត្តិការបាញ់ប្រហារទៅវិញទៅមកជាមួយជនវាយប្រហារ ។

រថយន្ត និងម៉ូតូជាច្រើនត្រូវភ្លើងឆេះយ៉ាងសន្ធោសន្ធៅ ខណៈដែលជនរងរបួសត្រូវបាន​គេជួយគ្រាហ៍ជម្លៀស​ចេញពីទីកន្លែងកើតហេតុ ។

ផ្សែងខ្មួលខ្មាញ់គ្របដណ្តប់ពាស់ពេញទីកន្លែង នៅក្នុងតំបន់តែម្តង ខណៈដែលមនុស្សជាច្រើននាក់​ ត្រូវគេរាយការណ៍ថា បានរងរបួស ។ ក្រុមឧទ្ទាម Al-Shabab បានទទួលស្គាល់ថាជាទង្វើរបស់ខ្លួន ។

អំពើវាយប្រហារនេះ​កើតឡើង​ចំពេលរំលឹកខួបលើកទី៣ នៃការវាយប្រហារនៅទីក្រុង EL-Adde ដែលសម្លាប់មនុស្សនិងទាហានកេនយ៉ាជាច្រើននាក់នៅក្នុងប្រទេសស៊ូម៉ាលី ៕


ចែករំលែក៖