រថយន្តមកបុករះពីក្រោយរងរបួសធ្ងន់បុរសម្នាក់ ខណៈឈប់ទិញទុយយោទឹក

ភ្នំពេញ៖ បុរសម្នាក់រងរបួសធ្ងន់ ខណៈឈប់ម៉ូតូចូលទៅទិញទុយយោទឹក ស្រាប់តែមានរថយន្តមួយគ្រឿងរ៉េចង្កូតមកបុកទាំងកំរោល ។ ករណីខាងលើបង្កភ្ញាក់ផ្អើកាលពីម៉ោង០៨ និង៣០នាទីព្រឹកថ្ងៃទី១៦ មករា ២០១៩នៅ ចំណុច ផ្លូវបេតុង(១០៥កា)ភូមិវិមានទ្រុងសង្កាត់ក្រាំងធ្នង់ខណ្ឌសែនសុខ ។

អ្នកបើករថយន្តបង្កឈ្មោះ នី ផានីនិត អាយុ ២២ឆ្នាំ មុខរបរបើកបរ ស្នាក់នៅបន្ទប់ជួល ភូមិម័រ សង្កាត់ ដង្កោ ខណ្ឌដង្កោ ។

អ្នករងរបួសធ្ងន់ ឈ្មោះ សុខ ម៉ក់ អាយុ៤០ឆ្នាំ មុខរបរ ជាងទឹកភ្លើងស្នាក់នៅភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ ។

ប្រភពនៅកន្លែងកើតហេតុ បានឲ្យដឹងថា មុនកើតហេតុបុរសរងគ្រោះបានជិះម៉ូតូមួយគ្រឿងម៉ាកSUZUKI VIVA ពណ៌ខ្មៅ ស្លាកលេខភ្នំពេញ1K-8656 មកឈប់កន្លែងលក់ដូររកទិញទុយយោទឹក ខណៈទិញហើយបានឈរក្បែម៉ូតូចងទុយយោលពេលកំពុងចងស្រាប់តែមានរថយន្តមួយគ្រឿងម៉ាកHYUNDAIពណ៌ខៀវ លាយស ប្រភេទក្លុបជិតពាក់ស្លាកលេខភ្នំពេញ 2L-5907 បើកមកពីជើងទៅត្បូងរ៉េចង្កូតមកបុកពីក្រោយទាំងកំរោលបណ្តោលឲ្យបុរសខាងលើរងរបួសធ្ងន់ និងខូចខាតឥវ៉ាន់អ្នកលក់ដូរមួយចំនួន ។

ប្រភពពីអ្នកបើករថយន្តឲ្យដឹងថា មុនកើតហេតុគាត់បានបើករថយន្តខាងលើដឹកខោចេញរោងចក្រនៅម្តុំទួលសង្កែទៅទំម្លាក់នៅរោងចក្រនៅម្តុំវត្តតាំងកសាងដោយបើកតាមផ្លូវខាងលើក្នុងទិសដៅពីជើងទៅត្បូង ខណៈមកដល់គោលដៅខាងលើបានគេចម៉ូតូមិនចាំម៉ាកមួយគ្រឿង ក៏រេមកខាងស្តាំដៃបុករះតូបលក់ដូរ និងបុកបុរសម្នាក់ ដែលឈរនៅចំណុចខាងលើរបួសធ្ងន់តែម្តង និងខូចខាតឥវ៉ាន់អ្នកលក់ដូរមួយចំនួន ។

ក្រោយហេតុការណ៍ កើតឡើងអ្នករងរបួសត្រូវរថយន្តសង្គ្រោះដឹកទៅកាន់គ្លីនិកឯកជនក្បែរកន្លែកើតហេតុចំណែករថយន្តបង្ក និងម៉ូតូរងគ្រោះត្រូវបានសមត្ថកិច្ចយកទៅរក្សាទុកនូវការិយាល័យនគរបាលចរាចរណ័រាជធានីភ្នំពេញរងចាំដោះស្រាយពេលក្រោយ ៕ តុង សីហា