សារព័ត៌មាន នគរវត្ត តែងតែនាំមុខគេជានិច្ច
នៅពេលនេះដែរ រដ្ឋាភិបាលទីក្រុងប៉េកាំង បានស្នើដល់មន្ត្រី អ្នកគ្រប់គ្រងក្រុមហ៊ុនធំៗរបស់ចិននៅក្រៅប្រទេស កាត់បន្ថយការធ្វើដំណើរទៅកាន់ប្រទេស ដូចជា អាមេរិក អង់គ្លេស កាណាដា អូស្ត្រាលី និងញូវហ្សឺឡេន ដើម្បីបញ្ចៀសហេតុការណ៍អាក្រក់កើតឡើង ។
រដ្ឋាភិបាលទីក្រុងប៉េកាំង ក៏ដូចជាកាណាដា បានព្រមានដល់ពលរដ្ឋរបស់ខ្លួនមានការប្រុងប្រយ័ត្ន ពេលធ្វើដំណើរ ទៅកាន់ ប្រទេសដែលជាគូបដិបក្ខនឹងគ្នា ។ សកម្មភាពខាងលើ កើតឡើងក្រោយពេលដែល កាណាដា បានចាប់ខ្លួនពលរដ្ឋចិន តាមសំណើរបស់ប្រទេសទី៣ ។ ចំណែកចិនវិញ ក៏បានចាប់ខ្លួនពលរដ្ឋកាណាដា ដោយចោទប្រកាន់ពីបទចារកម្មផងដែរ ។
ទំនាក់ទំនងកាន់តែតានតឹងនោះ ក្រោយពេល តុលាការចិនបានសម្រេចកាត់ទោស ប្រហារជីវិត ដល់ពលរដ្ឋកាណាដា ម្នាក់ពីបទជួញដូរគ្រឿងញៀន ។ នៅពេលនេះដែរកាណាដាបានស្នើដល់រដ្ឋាភីបាលទីក្រុងប៉េកាំង លើកលែងទោសប្រហារជីវិត ដល់ ពលរដ្ឋ កាណាដា ។
រដ្ឋមន្ត្រីការបរទេសកាណាដាលោកស្រី Freeland បាននិយាយទៅកាន់ក្រុមអ្នកសារព័ត៌មានថា«យើង បាននិយាយទៅកាន់អគ្គរដ្ឋទូតចិនប្រចាំនៅកាណាដាដោយស្នើរឲ្យលើកលែងទោសស្លាប់ ដល់ពលរដ្ឋកាណាដា»។ លោកស្រីបន្តទៀតថា ដូចអ្នកគ្រប់គ្នាបានដឹងហើយ នៅប្រទេសកាណាដា មិនមាន ច្បាប់ប្រហារជីវិតនោះឡើយ ។កាណាដា បានប្រឆាំងនិង សកម្មភាពកាត់ទោសប្រហារជីវិតរបស់ចិន ។
អ្នកឯកទេសស្រាវជ្រាវ មកពី មហាវិទ្យាល័យ Scott McKnight មកពីមហាវិទ្យាល័យToronto បានវាយតម្លៃថាទីក្រុងប៉េកាំង និងធ្វើឲ្យស្ថានភាពកាន់តែតានតឹង នឹងដាក់គំនាប់ បង្ខំឲ្យកាណាដាដោះលែង អគ្គនាយកហិរញ្ញវត្ថុ របស់ក្រុមហ៊ុន ហួរវាយ មុនពេលបញ្ជូនទៅកាន់អាមេរិក ៕
