សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ: កញ្ឆាចំនួន២១១៥ដើមត្រូវបានកម្លាំងជំនាញអធិការដ្ឋាននគរបាលស្រុកគិរីវង់ ចុះរុករកកាប់នឹងដុតបំផ្លាញចោលទាំងស្រុង បន្ទាប់ពីជនមិនខឹលខូចដាំលួចលាក់ខុស ច្បាប់ក្នុងចម្ការមានចំនួន៦ទីតាំង ។
ការកម្ទេចកញ្ឆាដាំខុសច្បាប់នេះបានប្រព្រឹត្តទៅកាលពីម៉ោង៧និង៣០នាទី ព្រឹក ថ្ងៃពុធ ១១កើត ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៦ ខែមករា ឆ្នាំ២០១៩ ស្ថិតនៅក្នុងភូមិជ្រោយ ឃុំព្រះបាទជាន់ជុំ ស្រុកគិរីវង់ ខេត្តតាកែវ ក្រោមការចង្អុលបង្ហាញពីសំណាក់លោកឧត្តមសេនីយ៍ទោ សុខ សំណាង ស្នងការ នគរបាលខេត្តតាកែវ និងក្រោមការដឹកនាំ ដោយ លោកវរសេនីយ៍ឯក យុគ សារ៉ាត់ អធិការនគរបាលស្រុក ស្រុកគិរីវង់ ។
មន្រ្តីនគរបាលស្រុកគិរីវង់បានឲ្យដឹងថា ក្នុងប្រតិបត្តិការនេះ សមត្ថកិច្ចបានរុករកឃើញ ជនមិនស្គាល់មុខលួចដាំកញ្ឆាលួចលាក់ខុសច្បាប់ចំនួនចំនួន៦ទីតាំង និងបានកាប់នឹងដុតបំផ្លាញចោល ស្មើនឹង២១១៥ដើម វាយកម្ទេចអាងស្តុកទឹក១អាង នៅចំណុចខ្នងបន្ទាយ និងអង់តែន ស្ថិតនៅក្នុងភូមិជ្រោយ ឃុំព្រះបាទជាន់ជុំ ស្រុកគិរីវង ខេត្តតាកែវ ដែលមានផ្ទៃដីប្រមាណ១៥៧០ម៉ែត្រការ៉េ។
បច្ចុប្បន្នកម្លាំងជំនាញកំពុងស្រាវជ្រាវរកម្ចាស់ទីតាំង ដើម្បីកសាងសំណុំរឿង ចាប់ខ្លួនយកមកផ្តន្ទាទោសតាមច្បាប់ឲ្យខាងតែបាន៕ សហការី
