សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អ្នកបើកគ្រឿងចក្រនៅក្នុងការដ្ឋានសំណង់បុរីប៉េងហួត ម្នាក់ត្រូវសន្តិសុខយាម នៅមាត់ច្រកចេញ_ចូល ចាប់ខ្លួន ប្រគល់ឲ្យសមត្ថកិច្ចពាក់ព័ន្ធករណី លួចដែកអ៊ុយស៊ីរ៉េ នៅការដ្ឋាន សំណង់បុរីប៉េងហួត ស្ថិតនៅផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅ កាលពីថ្ងៃទី១៦-០១-២០១៩ ម៉ោង២០និង៣០នាទី ។
ជនសង្ស័យឈ្មោះឃឹម សុភ័ណ្ឌ ភេទប្រុស អាយុ៤០ឆ្នាំ ជនជាតិខ្មែរ មុខរបរ បើក បរគ្រឿងចក្រ ស្នាក់នៅការដ្ឋាន ។
មន្ត្រីនគរបាលព្រហ្មទណ្ឌខណ្ឌបានឲ្យដឹងថា នៅថ្ងៃចាប់ខ្លួន ជនសង្ស័យដែលជាកម្មករបើកគ្រឿងចក្រនៅក្នុងការដ្ឋាន សំណង់បុរីប៉េងហួត បានលួចដែកអ៊ុយស៊ីរ៉េចំនួន០៨ដើម ច្រកចូលបាវដាក់លើម៉ូតូម៉ាក ហុងដាគុបជ្រុងសេ៩០ ពណ៌ទឹកប៊ិច ស្លាក លេខ ព-២០៧៧ ភ.ព១ ជិះចេញមកដល់ក្លោងទ្វារបុរីប៉េងហួត ក៏ត្រូវបានសន្តិសុខឃាត់ត្រួតពិនិត្យឃើញដែកអ៊ុយស៊ីរ៉េ ចំនួន៨ដើម លាក់ក្នុងបាវ ក៏ឃាត់ខ្លួន ប្រគល់ឲ្យសមត្ថកិច្ចចាត់ការតាមច្បាប់ ។
បច្ចុប្បន្នជនសង្ស័យត្រូវបានឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌច្បារអំពៅដើម្បីចាត់ការតាមផ្លូវច្បាប់ ៕ សណ្តោស
