សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ស្ត្រីចំណាស់ម្នាក់ ត្រូវបានក្មួយ និងក្រុមគ្រួសារ ក៏ដូចជាអ្នកភូមិ ប្រទះឃើញលង់ទឹកស្លាប់ស្រះខាងក្រោយផ្ទះបង្កការភ្ញាក់ផ្អើល និងរាយការណ៍មកសមត្ថ កិច្ចជំនាញមកពិនិត្ស សព ខណៈបាត់ខ្លួនមួយព្រឹកដើររកមិនឃើញ ។
ហេតុការណ៍ភ្ញាក់ផ្អើលនេះបានកើតឡើងកាលពី វេលាម៉ោង៤រសៀល ថ្ងៃទី២៩ ខែមករា ឆ្នាំ២០១៩ស្ថិតក្នុងភូមិស្រម៉ឃំុបុសមន ស្រុករំដួល ខេត្តស្វាយរៀង ។
បើតាមសមត្ថកិច្ច នគរបាលស្រុករំដួល បានឲ្យដឹងថា ស្ត្រីរងគ្រោះមានឈ្មោះ ពៅ នឿន អាយុ60ឆ្នាំ មានទីលំនៅភូមិស្រម៉ ឃុំបុសមន ស្រុករំដួល ខេត្តស្វាយរៀង។
តាមក្រុមគ្រួសាររបស់ស្ត្រី រងគ្រោះបានឲ្យដឹងថា គាត់គឺផឹកស្រាជាប្រចាំ យូរឆ្នាំមកហើយ ដោយហាមឃាត់កុំឲ្យផឹកប៉ុន្តែមិនស្ដាប់នោះទេ ។
ដោយមុនកើតហេតុ ពេលព្រឹកឃើញគាត់ បានដើរទៅយកល្អីទៅត្រាំនៅស្រះខាងក្រោយផ្ទះ ដូចសព្វដង ដោយក្រុមគ្រួសារ មិនបានចាប់អារម្មណ៍អ្វីនោះទេ រហូតដល់មានការងឿង ឆ្ងល់ដោយបាត់មិនឃើញនៅផ្ទះ ក៏នាំគ្នាដើររក ស្រាប់តែ នៅវេលាម៉ោង៤រសៀល ក៏មានការភ្ញាក់ផ្អើល ប្រទះឃើញសពនៅស្រះទឹកខាងក្រោយផ្ទះ ទំនងជាស្រវឹងស្រា ក៏រអិលជើងធ្លាក់ចូលទឹកតែម្ដង ។
បច្ចុប្បន្ចុប្បន្នសាកសព ក្រោយពីសមត្ថកិច្ចជំនាញបានពិនិត្យរួចក៏បានប្រគល់ជូនក្រុមគ្រួសារយកទៅបូជាធ្វើបុណ្យតាមប្រពៃណីទាំងក្ដុកក្ដួលបំផុត ៕ យឹម សុថាន
