សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សមត្ថកិច្ចប៉ុស្តិ៍នគរបាល ចោមចៅទី៣ ខណ្ឌពោធិសែនជ័យ បានប្រកាស់ដល់ប្រជាពលរដ្ឋដែលជាម្ចាស់ម៉ូតូម៉ាក MSX មួយគ្រឿងឲ្យមកយកម៉ូតូវិញខណៈប្រជាពរដ្ឋប្រទះឃើញ ម៉ូតូត្រូវជនមិនស្គាល់ អត្តសញ្ញាណយកមកប្លុង ចោលកាលវេលាម៉ោង៤ទៀបភ្លឺ ថ្ងៃទី២១ ខែកុម្ភៈ ឆ្នាំ២០១៩ នៅផ្លូវបេតុង ភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ ។
ម៉ូតូមួយគ្រឿងដែលបុរស មិនស្គាល់អត្តសញ្ញាណយកទៅប្លុងចោល ម៉ាក MSX ពណ៌ខ្មៅ ពាក់ស្លាកលេខ ភ្នំពេញ ១FE-៥៦៤៩ ។
បើតាមប្រភពព័ត៌មាន ពីលោក ផល សុធារ: ភេទប្រុស អាយុ២៣ឆ្នាំ មុខរបរជាងកាមេរ៉ា ដែលរស់នៅជិតកន្លែងកើតហេតុបានឲ្យដឹងថា នៅមុនពេលកើតហេតុ ដោយមានយុវជនម្នាក់ បានប្រទះឃើញបុរសមិនស្គាល់អត្តសញ្ញាណចំនួន២នាក់បានបណ្តើរម៉ូតូមួយគ្រឿងតាមបណ្ដោយផ្លូវបេតុងខាងលើ បន្ទាប់មកបុរសមិនស្គាល់អត្តសញ្ញាណទាំង២នាក់បានវ៉ាក់អើជាមួយយុវជននោះ ក៏រត់គេចខ្លួនបាត់ ។
បន្ទាប់មកយុវជននោះបានប្រាប់គាត់ថា ឃើញបុរសមិនស្គាល់អត្តសញ្ញាណយកម៉ូតូមួយគ្រឿងខាងលើប្លុងចោលនៅតាមផ្លូវ ហើយបន្ទាប់មកទៀត គាត់ក៏បានរាយការណ៍ទៅសមត្ថកិច្ចឲ្យជួយអន្តរាគមន៍ភ្លាមៗតែម្តង។
ក្រោយពេលកើតហេតុ សមត្ថកិច្ចបានយកម៉ូតូមួយគ្រឿងខាងលើទៅរក្សាទុកនៅប៉ុស្តិ៍នគរបាលរដ្ឋបាលចោមចៅទី៣ដើម្បីរង់ចាំស្វែងរកម្ចាស់មកយកវិញនិងអំពាវនាវដល់ប្រជាពលរដ្ឋដែលបានបាត់ម៉ូតូអាចមកមើលនៅប៉ុស្តិ៍នគរបាលចោមចៅទី៣បាន ៕ សុខាសែនជ័យ
