សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្ដដឹកអេតចាយបើកមិនប្រយ័ត្ន បុករះរ៉ឺម៉កកង់បី១គ្រឿង ម៉ូតូ១គ្រឿង និងរថយន្ដផ្សេងទៀត តែមិនបណ្ដាលឲ្យមនុស្សណាម្នាក់រងរបួសនោះទេ កាលពីវេលាម៉ោង៣រសៀល ថ្ងៃសុក្រ ៣រោច ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២២ ខែកុម្ភៈ ឆ្នាំ២០១៩ នៅមុខបុរីពិភពថ្មី តាមផ្លូវ២១៧ ភូមិសំបូរ សង្កាត់ដង្កោ ខណ្ឌដង្កោ។
តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនពេលកើតហេតុគេឃើញរថយន្ដដឹកអេតចាយពណ៌ស ពាក់ស្លាកលេខ ភ្នំពេញ 3A- 1017 មួយគ្រឿងបើកបរតាមបណ្ដោយផ្លូវ២១៧ក្នុងទិសដៅពីជើងទៅត្បូង លុះដល់ចំណុចមុខបុរីពិភពថ្មី ខណៈដែលរ៉ឺម៉កកង់បីជនរងគ្រោះកំពុងតែបើកសុខៗ ក៏ត្រូវរថយន្ដបុករះពីក្រោយពេញមួយទំហឹងនិងបន្ដទៅម៉ូតូឌ្រឹមសង់១គ្រឿង និង រថយន្ដ១គ្រឿងទៀត បណ្ដាលឲ្យរងការខូច តែមិនបង្កឲ្យមនុស្សណាម្នាក់រងរបួសនោះទេ ។
ក្រោយកើតហេតុ សមត្ថកិច្ចខណ្ឌដង្កោ ចុះទៅអន្តរាគមន៍ភ្លាមៗ ប្រញាប់យករថយន្តទាំង៣គ្រឿង ទៅផ្នែកជំនាញ ជៀសវាង លើផ្លូវខាងលើ ប្រឈមងាយកកស្ទះចរាចរណ៍ ហើយត្រូវបាន ភាគីខាងរថយន្តធំបង្ក ចេញសង ថ្លៃជួលជុលម៉ូតូ និងម៉ូតូកង់បី រថនយ្ដ ដើម្បីបញ្ចប់រឿង ៕ ភារ៉ា ដង្កោ
