សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រោមការដឹកនាំរបស់ លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌ សែនសុខបានបង្ក្រាប បទល្មើសគ្រឿងញៀន ដូចភ្លៀងរលឹមដោយ ឃាត់ខ្លួនក្រុមអ្នកប្រើ ប្រាស់បានដល់ទៅ១០នាក់និងដកហូតថ្នាំញៀន ចំនួន០៤កញ្ចប់ កាលពីវេលាម៉ោង១៨ និង២០នាទី ថ្ងៃទី២៣ ខែកុម្ភៈ ឆ្នាំ២០១៩ នៅចំណុចតាម ផ្លូវបេតុង ភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
សមត្ថកិច្ចបានបង្ហាញឈ្មោះក្រុមជនសង្ស័យ ទាំង១០នាក់នោះរួមមាន ៖
១-ឈ្មោះ ហួត គឹមឆាយ ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិម័រ សង្កាត់ដង្កោ ខណ្ឌដង្កោ ។
២-ឈ្មោះ ព្រំ សាល ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ភូមិថ្មី សង្កាត់ស្ទឹងមានជ័យ ខណ្ឌមានជ័យ ។
៣-ឈ្មោះ ផល សុភាព ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិទឹកថ្លាសង្កាត់តឹកថ្លា ខណ្ឌសែនសុខ ។
៤-ឈ្មោះ សន សាមីត ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ ។
៥-ឈ្មោះ ណុប ពិសា ភេទប្រុស អាយុ២៥ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅបន្ទប់ជួល ភូមិគោកចំបក់ សង្កាត់ចោមចៅ១ ខណ្ឌពោធិ៍សែនជ៍យ ។
៦-ឈ្មោះ ហួច ចំរើន ភេទប្រុស អាយុ២៩ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅបឹងសាឡង សង្កាត់បឹងសាឡង ខណ្ឌទួលគោក ។
៧-ឈ្មោះ ណុច កុសល្យ ភេទប្រុស អាយុ៣០ឆ្នាំ ជនជាតិខ្មែរ មុខរបរលក់លៀសហាល ស្នាក់នៅបន្ទប់ជួល ភូមិទ្រា សង្កាត់ស្ទឹងមានជ័យ៣ ខណ្ឌមានជ័យ ។
៨-ឈ្មោះ សួង សេក ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅមិនពិតប្រាកដ
៩-ឈ្មោះ អ៊ុក ដារ៉ាវី ភេទស្រី អាយុ២៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅមិនពិតប្រាកដ ។
១០-ឈ្មោះ រស់ យ៉ារិទ្ធ ភេទប្រុស អាយុ៣៤ឆ្នាំ ជនជាតិខ្មែរ មុខរបរជាងជួសជុលទូរសព្ទ័ដៃ ស្នាក់នៅ ភូមិអណ្តូង សង្កាត់ចោមចៅ ខណ្ឌពោធិ៍សែនជ៍យ ។
សម្ភារដកហូត ៖ក្រាមសថ្លា០៤កូនថង់តូច និង ម៉ូតូ០២គ្រឿងម៉ាកស្មាស់ ពាក់ស្លាកលេខកណ្តាល1E-1674 ។
លោកវរសេនីយ៍ឯក ហួរ ម៉េងវ៉ាង អធិការនគរបាល ខណ្ឌសែនសុខបានឲ្យដឹងថាមុននិងឃាត់ខ្លួនក្រុមជនសង្ស័យទាំង១០នាក់ខាងលើ កម្លាំងធិការដ្ឋាននគរបាលខណ្ឌសែនសុខ បានត្រួតពិនិត្យរដ្ឋបាលនៅចំណុច ភូមិសាស្ត្រខាងលើ ឃើញជនសង្ស័យចំនួន១០នាក់ កំពុងនៅជុំគ្នាជក់ថ្នាំញៀន កម្លាំងល្បាតយើងឃាត់ខ្លួនជនសង្ស័យខាងលើ ត្រួតពិនិត្យលើដងខ្លួនរកឃើញវត្ថុតាងខាងលើ រួចកម្លាំងយើងនាំខ្លួនជនសង្ស័យយកមកសាកសួរ នៅអធិការដ្ឋាននគរបាលខណ្ឌសែនសុខ ។
បច្ចុប្បន្ន ជនសង្ស័យកំពុងឃាត់ ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕
