សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅព្រឹក ថ្ងៃអាទិត្យ ១២រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៣ ខែមីនា គ.ស ២០១៩ វេលាម៉ោង៨និង០០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានអញ្ជើញចុះត្រួតពិនិត្យ ការងារចុះធ្វើជំរឿនទូទៅប្រជាជន របស់មន្ត្រីសម្ភាសន៍ តាមបណ្តាលសង្កាត់ក្នុងមូលដ្ឋានខណ្ឌដូនពេញ ក្នុងនោះរួមមាន សង្កាត់ផ្សារកណ្តាលទី១-សង្កាត់ផ្សារកណ្តាលទី២-សង្កាត់ផ្សារចាស់-សង្កាត់វត្តភ្នំ និងសង្កាត់ជ័យជំនៈ ជាគោលការណ៍ លោក អភិបាលខណ្ឌ នឹង បន្តចុះត្រួតពិនិត្យ សង្កាត់ចំនួន០៦បន្ថែមទៀតដើម្បីពង្រឹងការងារចុះធ្វើជំរឿនប្រជាជននេះឲ្យទទួលបានលទ្ធផលល្អប្រសើរ ។
លុះនារសៀលថ្ងៃដដែល លោក សុខ ពេញវុធ បានដឹកនាំមន្ត្រីជំរឿនសង្កាត់ចតុមុខ ចុះធ្វើជំរឿននៅក្នុងភូមិគ្រឹះរបស់ លោក ឌី វិជ្ជា អគ្គស្នងការរងនគរបាលជាតិ ។
សូមបញ្ជាក់ថា៖ ព្រះរាជាណាចក្រកម្ពុជា បានចាប់ផ្តើមដំណើរការ ការធ្វើជំរឿនទូទៅប្រជាជនកម្ពុជា ដែលមានរយៈពេល១១ថ្ងៃ ចាប់ពីថ្ងៃទី៣ ដល់១៣ ខែមីនា ឆ្នាំ២០១៩ ៕ ស តារា
