សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រសៀលថ្ងៃពុធ ១កើត ខែផល្គុន ឆ្នាំច សំរឹទ្ធិស័ក ព.ស ២៥៦ ២ត្រូវនឹងថ្ងៃទី ៦ ខែមីនា ឆ្នាំ២០១៩ លោកនាយឧត្តមសេនីយ៍ ម៉ឹង សំផន រដ្ឋលេខាធិការ ក្រសួងការពារជាតិ បានអនុញ្ញាតឲ្យគណៈប្រតិភូកងទ័ពប្រជាជនវៀតណាមដឹកនាំដោយលោកវរសេនីយ៍ឯក ង្វៀន ហើវហ៊ុង អនុប្រធានស្នងការសង្គ្រោះគ្រោះមហន្តរាយ ចូលជួបសម្តែងការគួរសមនិងពិភាក្សាការងារនាសាលប្រជុំ ទីស្តីការក្រសួងការពារជាតិ ។
ភាគីទាំងពីរលើកឡើងពីការប្រុងប្រៀបរៀបចំពិនិត្យទីតាំងជាក់ស្ដែង និងរាយការណ៍ជូនថ្នាក់ដឹកនាំ ការពារជាតិប្រទេស ទាំងពីរ ឆ្លើយតបតាមអនុស្សារណៈដែលចុះហត្ថលេខាដោយ លោកនាយឧត្តមសេនីយ៍ ប្រមុខការពារជាតិពេលកន្លង ។
នេះជាការគិតគូររបស់ប្រមុខដឹកនាំប្រទេសទាំងពីរ ដែលទើបចុះហត្ថលេខា កាលពីសបា្តហ៍កន្លងរវាងប្រមុខបក្ស រដ្ឋាភិបាលឈរ លើផលប្រយោជន៍រួម និងមានការយោគយល់ប្រកប ដោយមិត្តភាព កិច្ចសហប្រតិបត្តិការ ដើម្បីវឌ្ឍនភាព ប្រទេសភូមិផងរបងជាមួយនិងគោរពផលប្រយោជន៍រួម ។
គួររំឭកផងដែរថា: អស់រយះពេលពេញមួយព្រឹកថ្ងៃទី៦ ខែមីនា ឆ្នាំ ២០១៩នេះក្រុមការងារសង្គ្រោះគ្រោះមហន្តរាយ កងទ័ពប្រ ទេសទាំងពីរ បានពិភាក្សាគ្នាយ៉ាងល្អូកល្អើន ដើម្បីអនុវត្តភារកិច្ច ដែលក្រសួងការពារជាតិ ប្រទេសទាំងពីរ ប្រគល់ឱយស្របនិងអនុស្សារណៈដែលបានចុះហត្ថលេខារួចផងដែរ ៕ សុខដុម
