ជិះម៉ូតូបុកគោយន្តពីក្រោយ ស្លាប់មួយរំពេច អ្នកបើកគោយន្ត រត់គេចខ្លួនបាត់

ខេត្តកំពង់ស្ពឺ៖ បុរសជនជាតិវៀតណាមម្នាក់បានស្លាប់ភ្លាមៗ មួយរំពេច បន្ទាប់ពីជិះម៉ូតូទៅបុកគោយន្ត ដឹកឈើពីក្រោយពេញមួយទំហឹង ។​ ក្រោយកើតហេតុ អ្នកបើកគោយន្ត បានចុះរត់គេចខ្លួនបាត់ បន្សល់ទុកតែវត្ថុតាង និងជនរងគ្រោះ នៅកន្លែងកើតហេតុ ។​

ហេតុការណ៍នេះ កើតឡើងកាលពីវេលាម៉ោង១៩និង៤០នាទី ថ្ងៃទី៨ ខែមីនា ឆ្នាំ២០១៩នៅលើផ្លូវ លេខ ៥១ ចន្លោះគីឡូម៉ែត្រ ១០.១១ ស្ថិតនៅភូមិស្ដុកស្លាត ឃុំភ្នំតូច ស្រុកឧដុង្ ខេត្តកំពង់ស្ពឺ ។​

គ្រោះថ្នាក់នេះ កើតឡើងរវាងម៉ូតូ និងគោយន្តដឹកឈើកែឆ្នៃ បើកបរស្របទិសគ្នាពីជើងទៅត្ដ្បូង ភាគីជនរងគ្រោះជិះម៉ូតូម៉ាកc125 ពណ៌ខ្មៅ ស៊េរីឆ្នាំ២០១៣ ពាក់ស្លាកលេខ កណ្ដាល 1Y.2300 បើកបរដោយឈ្មោះ HUYNH VAN DAU ភេទប្រុស អាយុ ៦២ឆ្នាំ (ជនជាតិវៀតណាម)ធ្វើដំណើពីជើងទៅត្បូង មកដល់ចំណុចកើតហេតុ បានទៅបុកគោយន្តដឹកឈើកែឆ្នៃធ្វើដំណើរស្របទិសគ្នាចំពីក្រោយ បណ្ដាលឲ្យអ្នកបើកបរម៉ូតូ ស្លាប់នៅកន្លែងកើតហេតុ ។​

បន្ទាប់ពីមានគ្រោះថ្នាក់អ្នកបើកបរគោយន្ត បានចុះរត់គេចខ្លួនបាត់ បន្សល់ទុកតែវត្ថុតាង និងជនរងគ្រោះនៅកន្លែងកើតហេតុ ។​

សមត្ថកិច្ចបានចុះធ្វើកំណត់ហេតុនាំយកវត្ថុតាងទាំងសងខាង យកមករក្សាទុកនៅអធិការដ្ឋាននគរបាលស្រុកឧដុង្គ ចំណែកសពបានយកទៅដំកល់ទុកនៅមន្ទីរពេទ្យខេត្តរង់ចាំ ស្រាវជ្រាវរកសាច់ញាតិអោយមកទទួល ៕ សេនាស័ក្តិ