សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវកម្លាំង នគរបាលប៉ុស្តិ៍ច្បារអំពៅទី២ ចាប់ខ្លួនបន្ទាប់ពីធ្វើសកម្មភាពកាច់សោម៉ូតូ សិស្សសាលាបានសម្រេច តែជិះគេចមិនរួច ត្រូវម្ចាស់ម៉ូតូ ស្រែកឲ្យគេជួយ ស្របពេលនោះកម្លាំងនគរបាល ប៉ុស្តិ៍ចុះល្បាតក្នុងមូលដ្ឋានបាន ឮសំឡេង របស់ជនរងគ្រោះ ក៏ចេញអន្តរាគមន៍ចាប់ខ្លួនបានតែម្តង កាលពីថ្ងៃទី០៩ ខែមីនា ឆ្នាំ២០១៩ វេលាម៉ោង ១៦និង៤០នាទី នៅចំណុចមុខផ្ទះលេខ ៨១B ផ្លូវលេខ៣៦៩ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ។
ជនរងគ្រោះឈ្មោះ រចនា ដានិច ភេទស្រី អាយុ១៤ឆ្នាំ ជនជាតិខ្មែរ មុខរបរ សិស្ស ស្នាក់នៅផ្ទះកើតហេតុ ជិះម៉ូតូម៉ាក Honda Scopy ពណ៌ក្រហម ស្លាកលេខ ភ្នំពេញ ១FF-៨៣៤៦ ។
ចំណែកជនសង្ស័យឈ្មោះ ជួរ ម៉េងហុង ភេទ ប្រុស អាយុ៣០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ ៨១B ផ្លូវ ៣៦៩ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ។
ប្រភពព័ត៌មានពីនគរបាលប៉ុស្តិ៍បានឲ្យដឹងថា កាលពីថ្ងៃទី៩ ខែមីនា ឆ្នាំ២០១៩ វេលាម៉ោង ១៦និង៤០នាទី ជនរងគ្រោះបានទុក ម៉ូតូរបស់ខ្លួននៅមុខផ្ទះ កើតហេតុ ដោយទុកកូនសោជាប់នឹងម៉ូតូ រួចក៏ចូលក្នុងផ្ទះធ្វើម្ហូប ស្រាប់តែជនសង្ស័យជិះកង់ មកទុក នៅមុខផ្ទះ រួចចាក់សោម៉ូតូបញ្ឆេះជិះគេច ខ្លួន ។ ជិះបានបន្តិចក៏ត្រូវបានជនរងគ្រោះឃើញស្រែកចោរៗ ភ្លាមនោះក៏មានសមត្ថកិច្ចដែល កំពុងល្បាតក្បែរនោះជួយអន្តរាគមន៍ ឃាត់ខ្លួន ជនសង្ស័យ ដកហូតម៉ូតូជនរងគ្រោះមកវិញ និងកង់ជនសង្ស័យជិះធ្វើ សកម្មភាព និងត្រួតពិនិត្យជនសង្ស័យរក ឃើញដែកកែច្នៃសម្រាប់កាច់ សោ ក ម៉ូតូមួយ បញ្ជូនមកអធិការដ្ឋាន នគរបាលខណ្ឌច្បារអំពៅចាត់ ការតាមច្បាប់ ៕ សណ្តោស
