សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យ ភ្លាមៗ ខណៈជិះម៉ូតូលឿនចាប់ហ្វ្រាំងមិនទាន់ ជ្រុលបុករថយន្តពេញទំហឹងកាលពីវេលាម៉ោង11:30នាទី ថ្ងៃទី១៤ ខែមីនា ឆ្នាំ២០១៩ នៅចំណុចមុខផ្សារត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ ។
សាក្សីនៅកន្លែងកើតហេតុបានឲ្យដឹងថា ពេលកើតហេតុគេបានឃើញរថយន្តកូរ៉េមួយគ្រឿង ពណ៌ខៀវ ពាក់ស្លាកលេខ ភ្នំពេញ 2AR-9463 ធ្វើដំណើរចេញពីផ្លូវបេតុងក្នុងទិសដៅពីជើងទៅត្បូង ឆ្លងផ្លូវវេងស្រេង ខណ:មោដល់ចំណុចកើតហេតុ ស្រាប់តែមានម៉ូតូមួយគ្រឿងម៉ាកវេវពាក់ស្លាកលេខ ភ្នំពេញ 1BJ-7738 ធ្វើដំណើរតាមបណ្តោយផ្លូវវេងស្រេងក្នុងទិសដៅពីកើតទៅលិច មិនប្រយ័ត្ន ក៏ជ្រុលទៅបុករថយន្តពីចំហៀងពេញទំហឹងបណ្តាលឲ្យរងរបួសធ្ងន់ ត្រូវបានរថយន្តសង្រ្គោះដឹកយកទៅមន្ទីរពេទ្យភ្លាមៗ ។
ក្រោយពេលកើតហេតុសមត្ថកិច្ចចុះមកដល់វាស់វែង យករថយន្ត និងម៉ូតូយកទៅរក្សាទុកនៅអធិការដ្ឋាននរគបាលខណ្ឌពោធិ៍សែនជ័យរង់ចាំដោះស្រាយតាមច្បាប់ ៕ សុខាសែនជ័យ
