សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អាជ្ញាធរខណ្ឌចំការមន ដឹកនាំដោយ លោក ព្រុំ សំខាន់ អភិបាល នៃគណៈអភិបាលខណ្ឌចំការមន បានចាត់វិធានការក្តៅ ចុះបិទ អាជីវកម្ម ជាលើកទី៣ ចំពោះក្លឹបកម្សាន្ត យីហោ ម៉ៃអាមី ដែលផ្គើនការណែនាំ របស់អាជ្ញាធរ ព្រមទាំង បង្កសំឡេងរំខាន ដល់បងប្អូនប្រជាពលរដ្ឋ រកដេកពូនមិនបាន ។
ការចុះផ្អាកអាជីវកម្មខាងលើនេះ បានធ្វើឡើងកាលពីវេលាម៉ោង ៨យប់ ថ្ងៃទី១៩ ខែមីនា ឆ្នាំ២០១៩ នៅក្នុងក្លឹបកំសាន្ត យីហោ ម៉ៃអាមី (MIAMI)ដែលស្ថិតនៅផ្ទះលេខ១៥៩ ផ្លូវ៣៦០ ភូមិ៨ សង្កាត់បឹងកេងកង១ ខណ្ឌចំការមន ។ ក្នុងរង្វង់ប្រតិបត្តិការនេះ បានការចូលរួម ពីលោក ព្រុំ សំខាន់ អភិបាល នៃគណៈអភិបាលខណ្ឌចំការមន ព្រមទាំង អភិបាលរងខណ្ឌ និង មន្ត្រីរដ្ឋបាលខណ្ឌចំការមន រួមទាំងសមត្ថកិច្ចមូលដ្ឋានផងដែរ ។
បើតាមសម្តីអាជ្ញាធរខណ្ឌចំការមន បានឲ្យដឹងថា មុន និងអាជ្ញាធរខណ្ឌ បានចាត់វិធានការក្តៅ ចុះបិទទីតាំង ក្លឹបកំសាន្ត ខាងលើ យីហោ (ម៉ៃអាមី ) ដែលមានមេការតំណាងឲ្យក្លឹបមានឈ្មោះ ញឹម សុខឃុន ភេទស្រី ។ បន្ទាប់ពីមានពាក្យបណ្តឹងពីបងប្អូនប្រជាពលរដ្ឋថា ក្លឹបកំសាន្ត ខាងលើ តែងតែ បង្កសំឡេងរំខាន ដល់ពួកគាត់ រកដេកពូនមិនបានដោយទទួលបានពាក្យបណ្តឹង របស់បងប្អូន ប្រជាពលរដ្ឋបែបនេះ នៅថ្ងៃ៦ ខែមីនា ឆ្នាំ២០១៩ អាជ្ញាធរបានចុះទៅធ្វើការណែនាំ១លើក និងលើកទី២ នៅថ្ងៃទី៧ ខែមីនា ឆ្នាំ២០១៩ សួរនាំរកបណ្ណ័ប៉ាតង់ធ្វើអាជីវកម្ម និងលិខិត អនុញ្ញាត ពីស្ថាបន័ពាក់ពន្ធ័ គឺ ម្ចាស់ទីតាំង មិនបានបង្ហាញនោះទេ ហើយមកដល់ថ្ងៃនេះផងដែរ ទីតាំងខាងលើនេះនៅតែផ្គើន និងបទបញ្ជារបស់អាជ្ញាធរខណ្ឌ នៅតែបន្ត បើកអាជីវកម្ម និងសំឡេងរំខាន ដល់បងប្អូនប្រជាពលរដ្ឋទើបអាជ្ញាធរខណ្ឌចំការមន បានសហការជាមួយ មន្ទីរទេសចណ៍បានចុះបិទអាជីវកម្ម ខាងលើជាស្ថាពរតែម្តង ៕ សរស្មី
