សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ទំនងជាស្រវឹង បើករថយន្តហាយឡែនឌ័រ ក្នុងល្បឿនលឿន ជ្រុលបុករថយន្តឡិចស៊ីស ពីចំហៀងពេញទំហឹង បណ្តាលឲ្យរងការខូចខាត កាលពីវេលាម៉ោង រំលងអធ្រាត្រ ឈានចូលថ្ងៃទី២៤ ខែមីនា ឆ្នាំ២០១៩ នៅចំណុចផ្លូវលេខ១៩៣ កែងផ្លូវលេខ៣១០ ស្ថិតក្នុងសង្កាត់ទួលស្វាយព្រៃទី១ ខណ្ឌចំការមន ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានរថយន្តឡិចស៊ីស LX 470 ពណ៌កណ្តុរល្មេះ ពាក់ស្លាកលេខ ភ្នំពញ 2I 6878 បើកបរដោយបុរសម្នាក់ធ្វើដំណើរតាមបណ្តោយផ្លូវលេខ៣១០ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ស្រាប់តែមានរថយន្តម៉ាកហាយឡែនឌ័រ ពណ៌ស ពាក់ស្លាកលេខ ភ្នំពេញ 2AI 2407 បើកបរដោយបុរស ម្នាក់ទំនងស្រវឹង ធ្វើដំណើរតាមបណ្តោយផ្លូវ លេខ១៩៣ក្នុងទិសដៅពីលិចទៅកើតក្នុងល្បឿនលឿន ក៏ជ្រុលបុករថយន្តឡិចស៊ីស ពីចំហៀងពេញទំហឹងបណ្តាល ឲ្យរងការខូចខាតយ៉ាងដំណំ តែមិនមានមនុស្សរងរបួសនោះទេ ។
ក្រោយពេលកើតហេតុភាគី ខាងរថយន្តហាយចេញថ្លៃជួសជុលទៅខាងរថយន្តឡិចស៊ីសដើម្បី បញ្ចប់រឿង ៕ សុខាសែនជ័យ
