សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី២៥ ខែមីនា ឆ្នាំ២០១៩ នេះ ក្នុងពេលដែលសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញផ្តល់កិតិ្តយសចែកសញ្ញាបត្រដល់និស្សិតនៃ សាកលវិទ្យាល័យភ្នំពេញអន្តរជាតិ (PPIU) នៅវិទ្យាស្ថានជាតិអប់រំ , សម្តេចតេជោ បានមានប្រសាសន៍គាំទ្រនិងជំរុញការកែទម្រង់តុលាការឱ្យមានប្រសិទ្ធភាព ដើម្បីស្វែងរកយុត្តិធម៌ឱ្យបាន គឺល្អណាស់។
នេះបេីតាមការចេញផ្សាយរបស់ហ្វេសប៊ុកផេកសម្តេចតេជោ ហ៊ុន សែន ។
សម្តេចតេជោ បានមានប្រសាសន៍ថា ជាការល្អបើគ្រប់ស្ថានីយ៍ទូរទស្សន៍ចាក់បញ្ចាំងរឿងប៉ាវចិនបានមួយវគ្គ មុនពេលចូលគេងគឺជាការល្អ។
សម្តេចតេជោ បានលើកឡើងថា ការកាត់ក្តីផ្តល់យុត្តិធម៌របស់ប៉ាវចិន គឺមានកាំបិត៣ប្រភេទគឺ ១,កាំបិតក្បាលឆ្កែ សម្រាប់ចោរប្លន់ ២,កាំបិតក្បាលខ្លា សម្រាប់មន្រ្តី និង៣,កាំបិតក្បាលនាគ សម្រាប់រាជវង្ស។
តាមរយៈការមើលឃើញ និងស្តាប់សវនាការកាត់ក្តីរកយុត្តិធម៌ក្នុងរឿងប៉ាវចិន គឺនឹងធ្វើអោយមន្រ្តីយុត្តិធម៌កាន់តែយកចិត្តទុកដាក់ខ្ពស់លើការងាររបស់ខ្លួន។
សម្តេចតេជោនាយករដ្ឋមន្រ្តី ធ្លាប់បានមានប្រសាសន៍កាលពីពេលថ្មីៗកន្លងមកនេះថា មានអ្នកទោសជាច្រើន ជាពិសេសគឺស្រ្តី ដែលកំពុងជាប់ឃុំដោយពុំបានទទួលការកាត់ក្តីទាន់ពេលវេលា។ សម្តេចតេជោ បានសង្កត់ធ្ងន់ថា ការឃុំខ្លួនមនុស្សយូរ ដោយគ្មានការកាត់ទោស គឺខុសច្បាប់៕ចេស្តា
