ក្មេងទំនើងជិះម៉ូតូដេញវាយ និងគប់គ្នាតាមផ្លូវជាតិ៥៦ បណ្តាលឲ្យផ្អើលអ្នកភូមិ និងរងរបួសធ្ងន់ស្រាល២នាក់

ខេត្តបន្ទាយមានជ័យ៖ បើយោតាមរបាយការណ៍ របស់អធិការដ្ឋាននគរបាលស្រុកស្វាយចេកឲ្យដឹងថា មានករណីហិង្សាដោយចេតនា មានស្ថានទម្ងន់0១មួយកើតឡើងនៅថ្ងៃទី២៥ ខែមីនា ឆ្នាំ២០១៩ វេលាម៉ោង៦ និង១០នាទីល្ងាចលើផ្លូវជាតិលេខ៥៦ ទល់មុខកា រ៉ាស់សាំង តេលា ស្ថិតក្នុងភូមិស្ទឹង ឃុំរលួស ស្រុកស្វាយចេក បណ្តាលឲ្យគូទំនាស់ម្ខាង២នាក់ ទទួលរងរបួសធ្ងន់ និងស្រាល ។

បើយោងតាមរបាយការណ៍ដដែលឲ្យដឹងទៀតថាមុនពេលកើតហេតុមានក្មេងប្រុស២នាក់ ១,ឈ្មោះ ជួ ឡុងស៊ឺ អាយុ១៨ឆ្នាំនៅភូមិកកោះ ឃុំស្លក្រាម ២,ឈ្មោះ ឡុច ប៊ុនហាន ភេទប្រុសអាយុ១៨ឆ្នាំនៅភូមិអូវែងជើង ឃុំតាបែន ស្រុកស្វាយចេក បានជិះម៉ូតូម៉ាកហុងដាទ្រីមសេរី២០១ស្លាកលេខប ជ1P. 0532 ជិះក្នុងទិសដៅពីជើងទៅត្បូង ពេលទៅដល់ចំណុចកើតហេតុខាងលើ ស្រាប់តែមានក្មេង4នាក់ ជិះម៉ូតូ2គ្រឿង ម៉ាកឌ្រីម ២០១៨ មួយគ្រឿង និងមួយគ្រឿងទៀតមិនស្គាល់ឆ្នាំ បានគប់នឹងដុំថ្ម ទៅលើម៉ូតូរបស់ឈ្មោះ ហាន និងឈ្មោះ ស៊ឺ បណ្តាលឲ្យដួលហើយឈ្មោះស៊ឺរងរបួសធ្ងន់ ឯឈ្មោះហានរងរបួសស្រាល ។

ករណីនេះ សមត្ថកិច្ចបានការបំភ្លឺពីឈ្មោះ ចាវ ចាន់រ៉ាភេទប្រុស អាយុ17ឆ្នាំ នៅភូមិរកាថ្មីឃុំស្វាយចេក បានឆ្លើយថា មុនកើតហេតុខ្លួនបានជិះម៉ូតូក្នុងគោលដៅពីជើងទៅត្បូងពេលទៅដល់ចំណុចកើតហេតុខាងលើខ្លួន បានជិះម៉ូតូចូលទៅលានដំឡូងមីខាងកើតផ្លូវ ក្បែរការ៉ាស់សាំង ប្រហែល5នាទី ស្រាប់តែលឺសំឡេងស្រែកឲ្យជួយ ពេលនោះខ្លួនបានស្ទុះរត់ទៅមើលពេលទៅដល់បានឃើញឈ្មោះហាន និងឈ្មោះស៊ឺដួលនៅខាងលិចផ្លូវជាតិលេខ56,Aមុខការ៉ាស់សាំង ហើយឈ្មោះហានបាននិយាយប្រាប់មុនឡើងឡានពេទ្យថា ឈ្មោះ ពេជ នៅភូមិម្កាក់ ក្រុងសិរីសោភ័ណ ជាអ្នកគប់នឹងដុំថ្ម ។ ជនរងគ្រោះត្រូវអណាព្យាបាលបញ្ជូនទៅមន្ទីរពេទ្យ បង្អែកមង្គលបូរី ។

ករណីនេះសម្ថកិច្ចកំពុងស្រាវជ្រាវ ដើម្បីស្វែងរកមុខសញ្ញាជនបង្ក៕ សំ វិច្ឆិកា