ព័ត៌មានទាន់ហេតុការណ៍៖

សភាអង់គ្លេសច្រានចោលសំណើទាំង៨ចំណុច ក្នុងការចាកចេញពីអឺរ៉ុប

ចែករំលែក៖

កាលពីថ្ងៃទី២៧ ខែមីនា រដ្ឋាភិបាលរបស់នាយករដ្ឋមន្ត្រី Theresa May បានខិតខំ ជំរុញឲ្យសភាអនុម័ត ប៉ុន្តែគម្រោងទាំង អស់ត្រូវបានសភាច្រានចោល ។

ជាមួយគ្នានោះ ដែរ នាយករដ្ឋមន្ត្រីអង់គ្លេស លោកស្រី Theresa May បានសន្យាថា នឹងលាលែងចេញពីតំណែងនាយករដ្ឋមន្ត្រី ក្រោយពេលដំណើរការ ចាកចេញពីអឺរ៉ុប(Brexit)បានបញ្ជប់ ។

កាលពីថ្ងៃទី២៧ ខែមីនា នៅក្នុងកិច្ចប្រជុំជាមួយ សមាជិកគណៈកម្មការកណ្តាលគណបក្ស លោកស្រី Theresa May បានបញ្ជាក់ថា នឹងដាក់លិខិតសុំលាលែងចេញពីតំណែង ក្រោយដំណើរការ Brexit បានបញ្ចប់ដោយ ជោគជ័យ ។

តាមការលើកឡើងរបស់លោកស្រីនាយករដ្ឋមន្ត្រីបង្ហាញឲ្យឃើញថា កិច្ចប្រជុំលើកទីពីរជាមួយ សហគមន៍អឺរ៉ុប អង់គ្លេសចាំបាច់ត្រូវតែមានសំណើថ្មី និងមេដឹកនាំថ្មី ។ លោកស្រី May បញ្ជាក់ថា នឹងមិនលូកដៃចូលក្នុងរឿងនេះឡើយ ។ លោកស្រីបញ្ជាក់នៅក្នុងកិច្ចប្រជុំថា«យើងចាំបាច់ត្រូវតែអនុវត្តន៍នៅសំណើថ្មីស្តីពីកិច្ចព្រមព្រៀង និងអនុវត្តន៍ Brexit ។

ពេលដំបូង Brexit បានកំណត់យកថ្ងៃ ទី២៩ ខែមីនា ប៉ុន្តែក្រោយមកនាយករដ្ឋមន្ត្រីអង់គ្លេសបានស្នើអឺរ៉ុបឲ្យបន្ថយដល់ថ្ងៃទី៣០ ខែមិថុនា វិញ។

ប៉ុន្តែប្រសិនបើសភា អង់គ្លេសនៅតែច្រានចោលកិច្ចព្រមព្រៀង Brexitនោះ អឺរ៉ុប នឹងអាចពន្យារពេលឲ្យភាគីអង់គ្លេសបានត្រឹមថ្ងៃទី១២ ខែមេសា ប៉ុណ្ណោះ ៕


ចែករំលែក៖