សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែត ៖យុវជន ៣នាក់បានស្លាប់ភ្លាមៗ នៅកន្លែងហេតុក្នុងហេតុការណ៍គ្រោះថ្នាក់ ចរាចរណ៍រវាងម៉ូតូជាមួយ រថយន្តកាមរីកាលពីវេលាម៉ោង ៣និង៥០នាទីព្រឹក ថ្ងៃទី២៩ ខែមីនា ឆ្នាំ២០១៩ នៅលើកំណាត់ផ្លូវជាតិលេខ ៥៦A ត្រង់ចំណុចមុខទីស្នាក់ការបក្ស ឃុំស្លក្រាម ស្ថិតនៅភូមិខ្លែងពណ៌ជើង ឃុំស្លក្រាម ស្រុកស្វាយចេក ខេត្តបន្ទាយមានជ័យ ។
សមត្ថកិច្ចបញ្ជាក់ថា មុនកើតហេតុមានម៉ូតូមួយគ្រឿង ម៉ាក MSX ពណ៌ខ្មៅពាក់ស្លាកលេខ បជ.1R.8063.មានគ្នារួមដំណើរ3នាក់ បើកបរដោយឈ្មោះ អូក ហៀតភេទប្រុស អាយុ 17ឆ្នាំ នៅភូមិទ្រាសឃុំទ្រាស ស្រុកស្វាយចេក ខេតបន្ទាយមានជ័យ និង2នាក់ទៀត_ឈ្មោះ ប៉ក់ សៀវភូ ភេទប្រុស អាយុ17ឆ្នាំ នៅភូមិ ឃុំ ជាមួយ ឈ្មោះ ដាន ឡៃសឿ ភេទប្រុស អាយុ17 ឆ្នាំ រស់នៅភូមិ តាវឹកឃុំទ្រាស ស្រុកស្វាយចេក បន្ទាយមានជយ័ ធ្វើដំណើរពីត្បូងទៅជើងពេលមកដល់ចំណុចកើតហេតុស្រាប់ តែមានរថយន្តមួយគ្រឿងម៉ាក់ កាមរី ឆ្លាម ពាក់ស្លាកលេខ ភ្នំពេញ 2M.7371 ធ្វើដំណើរពីជើងទៅត្បូង បើកបរដោយឈ្មោះជី ហឿយភេទ ប្រុស នៅស្រុកថ្មពួក បានបុកម៉ូតូបណ្តាលឲ្យអ្នកបើក បរ និងអ្នករួមដំណើរស្លាប់ទាំង ៣នាក់ភ្លាមៗ នៅកន្លែងកើតហេតុតែម្តង ។
ចំណែករថយន្តបានវេរចង្កូត ធ្លាក់ពីផ្លូវទៅបុក តូប និងបុករបងផ្ទះជាប់នៅក្បែរផ្លូវ អ្នកបើកបររត់គេចខ្លួនបាត់ ។
មូលហេតុ អ្នកបើកបរម៉ូតូ ខ្វះការប្រុងប្រយត្ន័ បើកបរមិន ប្រកាន់ស្ដាំ ។ សមត្ថកិច្ចបន្ថែមថា ក្រោយពីពិនិត្យ មើលសាកសួរធ្វើកំណត់ហេតុរួច រាល់ជំនាញបានប្រគល់សពឲ្យ អាណាព្យាបាលយកទៅធ្វើបុណ្យ តាមប្រពៃណីរៀងៗខ្លួន ។
សម្ភារ ម៉ូតូនិងរថយន្តខូចខាតធ្ងន់ ត្រូវបានយកមកថែរក្សាទុក នៅអធិការដ្ឋាននគរបាលស្រុក ស្វាយចេក ៕ វណ្ណា
