សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ គ្រោះអគ្គិភ័យបានឆាបឆេះរថយន្ត ១គ្រឿង ដែលចតស្ងៀមក្នុងឃ្លាំងស្តុកស្រាបៀរមួយកន្លែង បង្កការភ្ញាក់ផ្អើលអស់អ្នកភូមិ និងសមត្ថកិច្ចផងដែរ ដើម្បីជួយអន្តរាគមន៍ ។
ហេតុការណ៍គ្រោះអគ្គិភ័យខាងលើនេះ បាបង្កការភ្ញាក់ផ្អើលឡើងនៅវេលាម៉ោង១១ និង២៣នាទីយប់ ថ្ងៃព្រហស្បតិ៍ ៨រោច ខែផល្លុន ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី២៨ ខែមីនា ឆ្នាំ២០១៩ នៅចំណុចឃ្លាំងស្តុបស្រាបៀរមួយកន្លែងរបស់ឈ្មោះ ហួត ផាវី ភេទស្រី អាយុ ៥៤ឆ្នាំ ជនជាតិខ្មែរ ស្ថិតក្នុងភូមិរ៉ា សង្កាត់ផ្ទះព្រៃ ក្រុង.ខេត្តពោធិ៍សាត់ ។
ប្រភពនានា ជុំវិញកន្លែងកើតហេតុលើកឡើងថា ខណៈនោះគេឃើញវត្តន៍នាយករដ្ឋបាលសាលាខេត្ត អភិបាលក្រុង លោក អធិការនគរបាលក្រុង ពិសេសមន្ត្រីនគរបាលការិយាល័យពន្លត់អគ្គិភ័យ ដើម្បីជួយអន្តរាគមន៍ក្នុងហេតុការណ៍ ។
លោកវរសេនីយ៍ឯក យឹម ស៊ាងហៃ អធិការនៃអធិការដ្ឋាននគរបាលក្រុងពោធិ៍សាត់បានឲ្យដឹងថា ហេតុការណ៍គ្រោះអគ្គិភ័យខាងលើ ចេញរថយន្តពន្លត់អគ្គិភ័យចំនួន ៣គ្រឿងដើម្បីអន្តរាគមន៍ ប្រើប្រាស់ទឹកបាញ់ពន្លត់អស់ចំនួន ១សឺទែនគ្រប់គ្រងស្ថានភាពបានមួយរយភាគរយ តុល្យភាពក្នុងខូចខាតឆេះអស់កាប៊ីនរថយន្ត ១គ្រឿងម៉ាក ហុីយ៉ាន់ដាយ មូលហេតុអាចបណ្ដាលមកពីឆ្លងចរន្តខ្សែភ្លើង ខណៈម្ចាស់មិនបានដកកូនសោរចេញ ៕ ប៉ឹម ពិន
