សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ ព្រះបដិមា (ធ្វើពីស្ពាន់) ៥.០០០អង្គ ដែលគណ:កម្មការវត្ត បានយករូបព្រះបដិមាទៅដាក់នៅក្រោមបល្ល័ងព្រះជាយូរ មកហើយ មិនដែលមានការបាត់បង់ឡើយ ទើបនៅថ្ងៃទី២៨ ខែមីនា ចោរថ្លើមធំហ៊ានគាស់ វាយបំបែកកញ្ចក់យកព្រះបដិមា (ធ្វើពីស្ពាន់) ជិត៤០០អង្គ ទៅដោយសុវត្ថិភាព សមត្ថកិច្ចកំពុងស្រាវជ្រាវតាមចាប់ខ្លួន ។
ហេតុការណ៍នេះ បានកើតឡើងនៅថ្ងៃទី២៨ ខែមីនា ឆ្នាំ២០១៩ វេលាម៉ោង០២និង០០នាទី នៅចំណុចវត្តព្រែកហូរ ស្ថិតក្នុង ភូមិបត្តាជី១ សង្កាត់ព្រែកហូរ ក្រុងតាខ្មៅ ខេត្តកណ្តាល ។
សម្ភារបាត់បង់៖ រូប ព្រះបដិមា (ស្ពាន់) ប្រហែលពី៣០០ ទៅ៤០០អង្គ ។ វត្ថុតាងចាប់យក៖ រូបព្រះបដិមា(ធ្វើពីស្ពាន់)២៦អង្គ ។
នគរបាលបានឲ្យដឹងថា នៅមុនពេលកើតហេតុ គណ:កម្មការវត្ត បានយករូបព្រះបដិមាចំនួន៥.០០០អង្គ ដាក់នៅក្រោបល្ល័ងព្រះជាយូរ មកហើយ មិនដែលមានការបាត់បង់ឡើយ ។ លុះដល់ថ្ងៃទី២៨ ខែឆ្នាំដដែល វេលាម៉ោង១៩និង០០នាទី ស្រាប់តែឃើញឈ្មោះខូវ ម៉េងហាក់ ហៅសាក់ បានយករូបបដិមាចំនួន២៦ អង្គដូចបានចាប់យកខាងលើមកប្រគល់ឲ្យ ឈ្មោះមឿន វាសនា ជាកូនសិស្សលោកទើបដឹងថា មានការបាត់រូបបដិមា ខាងលើ ហើយគណ:កម្មការបានរាយការណ៍ជូនសមត្ថកិច្ចដើម្បីចុះស្រាវជ្រាវ ៕ ឆ ដា
