ឆេះផ្ទះ៣ខ្នង នៅស្រុកថ្មគោល រងខូចខាតទ្រព្យសម្បត្តិ គិតជាទឹកប្រាក់ជាង៥ពាន់ដុល្លារ

ខេត្តបាត់ដំបង៖ បើយោងតាមរបាយការណ៍របស់អធិការដ្ឋានស្រុកថ្មគោលឲ្យដឹងថា នៅថ្ងៃទី០៨ ខែមេសា ឆ្នាំ២០១៩ វេលាម៉ោង១០.00នាទីព្រឹក នៅភូមិកៀនកេះ១ ឃុំគោកឃ្មុំ ស្រុកថ្មគោល មានករណីអគ្គិភ័យឆេះផ្ទះអស់ចំនួន០៣ខ្នង ។

ប្រភពបន្តថា មុនដំបូងអគ្គិភ័យ ផ្តើមឆេះចេញផ្ទះ ឈ្មោះណូ ស៊ីនេន ភេទស្រី អាយុ ៥៨ឆ្នាំនៅភូមិកៀនកេះ១ ឃុំគោកឃ្មុំ ស្រុកថ្មគោល ឆេះផ្ទះឈើចំនួន១ខ្នង ទំហំ៤ម៉ែត្រ×១២ម៉ែត្រ ដំបូលប្រក់សង្ក័សី ជញ្ជាំងឆេះអស់១០០% សម្ភារមួយចំនួន សរុបអស់ទឹកប្រាក់ចំនួន២.០០០ដុល្លារ។

ប្រភពបន្តថា បន្ទាប់មក អគ្គិភ័យបន្តរាលដាលឆេះផ្ទះ ឈ្មោះលាន ស្រីពេជ្រ ភេទស្រី អាយុ៣៥ឆ្នាំ នៅភូមិកៀនកេះ១ ឃុំគោកឃ្មុំ ស្រុកថ្មគោល ផ្ទះឈើ១ខ្នងទំហំ៤ម៉ែត្រ×១២ម៉ែត្រ ប្រក់សង្ក័សី ជញ្ជាំងឆេះអស់១០០% ។ ឆេះសម្ភារមួយចំនួនសរុបទឹកប្រាក់អស់ចំនួន២.១០០ដុល្លារ ខណៈភ្លើងបានឆេះផ្ទះ២ខ្នងនេះហើយ ភ្លើងបន្តទៅឆាបឆេះផ្ទះឈ្មោះរិន វិរ: ភេទប្រុស អាយុ៤៩ឆ្នាំ នៅភូមិកៀនកេះ១ ឃុំគោកឃ្មុំ ស្រុកថ្មគោល ឆេះផ្ទះឈើ១ខ្នង ទំហំ៥ម៉ែត្រ×៦ម៉ែត្រ ប្រក់សង្ក័សី ជញ្ជាំងថ្មឆេះអស់៣០% ត្រូវបានរថយន្តពន្លត់អគ្គិភ័យ របស់អធិការដ្ឋាននគរបាលស្រុកថ្មគោល បាញ់ទឹកទប់ស្កាត់ទាន់ភ្លើងបាន ឆេះអស់មួយចំនួន ។ សម្ភារខូចខាតគិតជាទឹកប្រាក់សរុបចំនួន១.២០០ដុល្លារ ។ សរុបផ្ទះទាំងបីខ្នងនេះអស់ទឹកប្រាក់អស់ប្រហែលចំនួន៥៣០០ដុល្លារ ។

មូលហេតុ ដោយសារទុស្សេខ្សែភ្លើង ។

ករណីនេះ សមត្ថកិច្ចបានប្រើប្រាស់រថយន្តអគ្គិភ័យបាញ់ទឹកអស់ចំនួន០២ឡាន៕ សំ វិច្ឆិកា