សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវសមត្ថកិច្ចនគរបាលប៉ុស្តិ៍ទឹកថ្លា ឃាត់ខ្លួនក្រោយពីរូបគេបាន ធ្វើសកម្មភាពចូលលួចយកទូរស័ព្ទដៃ របស់ជនរងគ្រោះ កាលពីថ្ងៃទី២១ មេសា ឆ្នាំ២០១៩ វេលាម៉ោង ០៤ និង០០នាទី នៅចំណុចផ្ទះជួលលេខ២៤៥ ផ្លូវលេខ១១អា ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ។
ជនសង្ស័យមាន ឈ្មោះ ផល កន ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួលគ្មានលេខ ផ្លូវបេតុង ភូមិដំណាក់ សង្កាត់គោកឃ្លាង ខណ្ឌសែនសុខ (គ្មានសារធាតុញៀន) ។ ចំណែកជនរងគ្រោះមានឈ្មោះ ផាត់ មករា ភេទប្រុស អាយុ២៣ឆ្នាំ មុខរបរកម្មករ ស្នាក់នៅផ្ទះជួលលេខ២៤៥ ផ្លូវលេខ១១អា ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ។
សម្ភារបន្សល់ទុក ៖ ទូរសព្ទ័ដៃ០១គ្រឿង ម៉ាកសាំសុង ប្រល់ឲ្យជនរងគ្រោះវិញ ។
ប្រភពពីសមត្ថកិច្ចបានឲ្យដឹងថា មុនពេលកើតហេតុ ជនរងគ្រោះបានដាក់ទូរសព្ទ័ដៃរបស់ខ្លួនសាកថ្មនៅលើក្បាលគ្រែដេក រហូតដល់ម៉ោងកើតហេតុខាងលើ ជនរងគ្រោះក្រោកពីដេករកមើលទូរសព្ទ័របស់ខ្លួនមិនឃើញ ក៏បានបើកកាមេរ៉ាសុវត្តិភាពមើល ឃើញជនសង្ស័យកំពុងធ្វើសកម្មភាព ចូលក្នុងបន្ទប់របស់ជនរងគ្រោះលួចយកទូរសព្ទ័ដៃ រួចគេចខ្លួន ។ លុះដល់ថ្ងៃទី២១ខែ មេសា ឆ្នាំ២០១៩ វេលាម៉ោង ២៣ និង០០នាទី ជនរងគ្រោះឃើញជនសង្ស័យកំពុងទិញទឹកសុទ្ធនៅតាមផ្លូវ ក៏បានឃាត់ខ្លួនជនសង្ស័យប្រគល់ឲ្យសមត្ថិកិច្ចប៉ុស្តិ៍រដ្ឋបាលទឹកថ្លា សាកសួរ ។
បច្ចប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាល ខណ្ឌសែនសុខ ៕ តុង សីហា
