សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ផ្ទះ ដែលត្រូវបានម្ចាស់ទុកចោលជាយូមកហើយត្រូវបានអគ្គិភ័យ យ៉ាងសន្ធោសន្ធៅផ្អើលដល់ប្រជាពលរដ្ឋ និងសមត្ថកិច្ចចុះអន្តរាគមន៍ដោយឃាត់បុរសម្នាក់បែកថ្នាំសង្ស័យលួចដុត ។
ហេតុការណ៍នេះ បានកើតឡើងកាលពីវេលាម៉ោង៨ និង៣០នាទីយប់ ថ្ងៃទី២២ ខែមេសា ឆ្នាំ២០១៩ នៅគល់ស្ពានអាកាស៥មករា ខាងកើតចំហៀងខាងត្បូង ស្ថិតក្នុងសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
ប្រភពព័ត៌មានបានឲ្យដឹងថា ផ្ទះខាងលើមិនមានម្ចាស់នៅនោះទេ ទុកចោលជាយូរមកហើយ ដោយតែងតែងមានក្នុងក្មេងពាលចូលមកជក់ថ្នាំញៀនជាញឹកញាប់ ។ នៅវេលាកើតហេតុ ស្រាប់តែមានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អើលដល់បងប្អូនប្រជាពលរដ្ឋរាយការណ៍ទៅសមត្ថកិច្ចហៅរថយន្តពន្លត់អគ្គិភ័យជាច្រើនគ្រឿងមកអន្តរាគមន៍ ។
សមត្ថកិច្ចបានឲ្យដឹងថា ក្នុងហេតុការណ៍ខាងលើនេះសមត្ថកិច្ចបានឃាត់ខ្លួនបុរសម្នាក់ញៀនថ្នាំ សង្ស័យជាអ្នកលួចដុតហើយបាននាំទៅសាកសួរនៅប៉ុស្តិ៍នគរបាល ។
សមត្ថកិច្ចបានបញ្ជាក់ថា ក្នុងការបង្កាគ្រោះអគ្គិភ័យខាងលើនេះ ប្រើប្រាស់ទឹកអស់ចំនួន៤គ្រឿង ហើយអគ្គិភ័យក៏រលត់ទៅវិញមិនរាល់ដាលដល់ផ្ទះអ្នកជិតខាងនោះទេគ្រាន់តែរកការខូចខាតពីដានបន្តិចបន្ទួចតែប៉ុណ្ណោះ ៕ សុខាសែនជ័យ
