សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យម្នាក់ ត្រូវបានសមត្ថកិច្ចឃាត់ខ្លួន យកទៅសាកសួរ ក្រោយពីធ្វើសកម្មភាពកាច់សោក ម៉ូតូប្រជាពលរដ្ឋបានសម្រេចហើយ ជិះគេចមិនរួច ពលរដ្ឋ ម្ចាស់ម៉ូតូក្រឡេកឃើញស្រែកឆោឡោ ចំពេលកម្លាំងល្បាតទៅដល់ល្មម ។
ហេតុការណ៍នេះ បានកើតឡើងកាលពីវេលាម៉ោង៤ និង៣០នាទីរសៀល ថ្ងៃទី ២៤ ខែមេសា ឆ្នាំ២០១៩ ស្ថិតនៅក្នុងបុរីពីភពថ្មីកំបូល ភូមិគល់ សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យមានឈ្មោះ សៀន រុន ហៅភក្តី ភេទប្រុស អាយុ ៣៣ឆ្នាំ មុខរបរ មិនពិតប្រាកដ ទើបចេញពីពន្ធនាគារ មានទីលំនៅភូមិមនោរម្យ ឃុំបែកចាន ស្រុកអង្គស្នួល ខេត្តកណ្តាល មានស្រុកកំណើតភូមិសាម្គី ឃុំស្វាយភ្លោះ ស្រុកពាមជរ ខេត្តព្រៃវែង ។
តាមប្រភពព័ត៌មាននៅមុនពេលកើតហេតុបានឲ្យដឹងថា នៅមុនពេលកើតហេតុ ជនសង្ស័យបានធ្វើសកម្មភាពកាច់សោ ក ម៉ូតូមួយគ្រឿង ស៊េរី សង់ ឆ្នាំ២០០៥ ដែលម្ចាស់បានចតទុកនៅកន្លែងកើតហេតុបានសម្រេច ហើយបានជិះប្រហែល៥០ម៉ែត្រ ត្រូវម្ចាស់ និងប្រជាពលរដ្ឋឃើញ ក៏ស្រែកផ្អើលឆោឡោដេញចាប់ធ្វើឲ្យជនសង្ស័ភ័យផ្តួលម៉ូតូចោល រួចរត់គេច តែរត់មិនរួចត្រូវសន្តិសុខ រួមទាំងប្រជាពលរដ្ឋចាប់ជាប់តែម្តង រួចប្រគល់ឲ្យសមត្ថកិច្ចប៉ុស្តិ៍កន្ទោកចាត់ការ ។
ក្រោយកើតហេតុ ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនបន្តចាត់ការតាមនីតិវិធី ៕ សុខាសែនជ័យ
