សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ភ្លើងឆេះព្រៃ រាលដាលឆេះចម្ការកៅស៊ូ របស់លោកឧកញ៉ា ហេង សំណាងទៀតហើយ ។ ហេតុការណ៍អគ្គិភ័យនេះ បានកើតឡើងនៅវេលាម៉ោង១១ និង៤០នាទី ថ្ងៃទី ២៥ ខែមេសា ឆ្នាំ២០១៩ ស្ថិតនៅតំបន់អូទក់ ភូមិជាំ ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ។
សមត្ថកិច្ចបានឲ្យដឹងថា ទំហំខូចខាត: ឆេះកៅស៊ូអស់ប្រហែល៧ហិកតា ។ មូលហេតុ: បណ្តាលមកពីភ្លើងព្រៃឆេះរាលដាល ។
កម្លាំងនគរបាលប៉ុស្តិ៍ និងប្រជាការពារព្រមទាំងប្រជាពលរដ្ឋបានយកត្រាក់ទ័រចំនួន០២គ្រឿង ភ្ជួរកាត់រលត់ទាំងស្រុង មិនបណ្តាលឲ្យឆេះរាលដាលបន្តទៀត ៕ ប៊ុនរិទ្ធី
